Rómantískustu borgirnar
Rómantík snýst ekki bara um kertaljós og konfekt. Að ferðast til fallegra staða og upplifa nýja og skemmtilega hluti saman getur verið ótrúlega rómantískt. Í tilefni Valentínusardagsins tókum við saman það sem við teljum vera 12 rómantískustu áfangastaði heims. Njótið!
Cape Town
Cape Town er fullkominn áfangastaður fyrir orkumikil pör sem elska að upplifa skemmtilega hluti saman. Farið í vín- og ostasmökkun í Stellenbosch, kafið með hvíthákörlum, lærið að surfa, gangið á Table Mountain og heimsækið mörgæsir á Cape Point.
Buenos Aires
Buenos Aires... Steik, rauðvín og tangó - þarf að segja eitthvað meira?
Cinque Terre
Takið frí frá hversdagsleikanum og njótið lífsins á Ítalíu í þessum fimm sjávarþorpum sem saman mynda eina fegurstu strandlengju heims. Hvað gerir fríið rómantískara en æðislegar strandir, ótrúlegar gönguleiðir og himnesk ítölsk matargerð?
Melbourne
Marrakech
Þræðið endalausa markaði Marrakech, fylgist með snákatemjurum á Jemaa el Fnaa, gistið á hefðbundnu riad og ykkur mun líða eins og þið séuð dottin inn í ástarævintýri úr 1001 nótt.
Zanzibar
Hvítu strendurnar, tærblár sjórinn, æðislegi maturinn, einstök menningin og frábæru hótelin gera Zanzibar að hinum fullkomna áfangastað fyrir hvaða par sem er.
Kyoto
Það er fátt rómantískara en að ganga um sögufrægu borg í Japan á meðan kirsuberjatrén eru í blóma. Skoðið glæsilegar hallir, musteri, garða og drekkið í ykkur japanska menningu á tehúsum borgarinnar.
San Sebastian
Fallegar gamlar götur sem iða af lífi, frábær strönd og toppurinn á spænskri matargerð. Fullkomið frí frá hinu daglega ysi og þysi.
New York
New York er ein af fáum borgum sem býður upp á nánast endalausa möguleika og öll pör geta fundið eitthvað við sitt hæfi. Frábærir veitingastaðir, barir, leikhús, almenningsgarðar og fleiri staðir sem láta þér líða eins og þú sért inni í miðri rómantískri kvikmynd!
Hvaða skíðabær sem er í Ölpunum
Að eyða öllum deginum úti í sólinni og snjónum og kúra fyrir framan arininn á kvöldin eftir að hafa borðað æðislegan mat. Það hljómar eins og fullkomið rómantískt frí!
Tahítí
Paradísareyja þar sem ykkur getur liðið eins og þið séuð ein í heiminum. Frekar fullkomið, ekki satt?
París
Við vitum að þetta er algjör klisja, en það er einfaldlega ekki hægt að gera lista yfir rómantískustu áfangastaði heims og sleppa París!
