Ertu að leitast eftir skemmtilegum ævintýrum og ótrúlegu landslagi? Kannaðu Balkanskagann!
Kannski veistu það ekki, en það eru fullt af góðum ástæðum til þess að setja Balkanskaga á toppinn á bucket listanum þínum. Í fyrsta lagi er Balkanskaginn fullur af ævintýramöguleikum og ef þú ert með smá adrenalínpúka í þér (á það ekki við okkur öll?) getum við mælt með rafting, göngutúrum upp falleg fjöll eða zip lining yfir djúpa dali. Í öðru lagi er Balkanskagi afar óspillt svæði þar sem þú finnur heillandi gömul þorp, slappar af á veitingahúsum við vegi meðfram fjöllum, og það besta er, að í flestum tilfellum ertu nokkurn vegin út af fyrir þig! Ef Balkanskagi hefur kveikt áhuga hjá þér - þá skaltu lesa áfram!
Fá fría ferðaráðgjöf
Afhverju að ferðast til Balkanlandanna?
Á Balkanskaganum snýst allt um að kanna hið óhefðbundna. Jafnvel þó að Balkanskaginn virðist langt í burtu frá Íslandi, þá er hann í raun rétt í bakgarði hefðbundnari Evrópu.
Ferð til Balkanskaga þýðir í mörgum tilfellum ferð aftur í tímann. Þú finnur óspillta náttúru, gömul sjarmerandi þorp með húsum úr steini og vögnum sem flytja ávexti og grænmeti á markaðinn. Talandi um tíma, þú munt fljótlega komast að því að það er aðeins slakara viðhorf hér gagnvart honum. Heimamenn geta eytt klukkutímum í að hanga á notalegum kaffihúsum á torgum bæjarins og að flýta sér er ekki mjög algengt - sérstaklega ekki þegar maður kemst út úr stórborgunum.
Öll löndin á Balkanskaga bjóða upp á ótrúlegar náttúruupplifanir. Svo ef þú elskar útivist þá er þetta rétti staðurinn fyrir þig. Skoðaðu fallega fjallgarðana, tær vötn og villtar ár umkringdar litríkum blómum.
Við getum aðstoðað þig við að heimsækja:
Fá fría ráðgjöf
Hvernig er hægt að komast þangað?
Það eru fullt af möguleikum ef þú vilt heimsækja Balkanskaga. Auðvitað er hægt að fljúga alla leið - það er auðvelt og það eru margir alþjóðaflugvellir á svæðinu. En ef þú vilt nýta ferð þína sem mest, hvetjum við þig til að fljúga til Munchen og fara svo þaðan með lest. Interrail miði er frábær valkostur og þú munt sjá svo miklu meira á leiðinni, auk þess sem þú hefur tækifæri til að stoppa í áhugaverðum borgum í Evrópu. Sjáðu þig fyrir þér sitjandi með kaffibolla, starandi út um gluggann, á fallegu náttúruna, umkringd/ur vinum, fjölskyldu eða öðrum ævintýraþyrstum ferðalöngum. Ekki svo slæmt er það nokkuð? Áður en þú veist af verður þú komin/n á áfangastað.
Ég vil vita meira
Hvað er hægt að gera á Balkanskaga?
Balkanskaginn er fullkominn áfangastaður ef þú elskar ævintýri í fallegu landslagi. Ekki búast við klassískum ferðamanna aðdráttaröflum eins og Eiffelturninum í París, Guggenheim í Bilbao eða Brandenburger Tor í Berlín. Auðvitað er nóg af sögulegum minnisvörðum og byggingum, en á Balkanskaganum snýst allt um náttúruna.
Ef þú vilt fá adrenalín spark í rassinn, þá getur þú farið í river rafting. Á Balkanskaga finnur þú fullt af flottum ám með flúðum sem geta ögrað jafnvel reynsluboltum í rafting. Þú getur líka valið að fljúga yfir djúpa dali á zipline eða þú getur skroppið í fjallahjólaferð eftir erfiðum stígum á hálendinu.
Ef þig langar að stunda vatnsíþróttir bjóða löndin meðfram Adríahafinu upp á frábæra möguleika fyrir snorkl, siglingar, og í Króatíu finnur þú meira að segja einn besta stað í Evrópu fyrir kitesurfing.
Road trip á Balkanskaganum
Frábær leið til þess að skoða Balkanskaga er með því að leigja húsbíl. Frjáls eins og fuglinn er! Þú getur skoðað öll mögnuðu löndin á Balkanskaga á nákvæmlega þeim hraða sem þér hentar. Tjaldaðu í fjöllunum, slappaðu af í borgunum eða keyrðu meðfram ströndinni við Adríahaf. Road trip er klárlega ferðalag sem gefur þér hvað mest frelsi og þó leiðin sé alfarið undir þér komin, þá höfum við sett saman nokkrar ferðatillögur þér til innblásturs. Kíktu á húsbílana sem við bjóðum upp á hér.
Skipulagðar ferðir með öðrum bakpokaferðalöngum
Það eru margar leiðir til að kanna Balkanskaga. Ein leiðin er að taka þátt í skipulagðri hringferð með öðrum bakpokaferðalöngum. Ef þú ert ekki viss um hvað þú átt að sjá eða ert ekki í skapi fyrir að skipuleggja allt sjálfur, eru litlu hópferðirnar frábært val!
Í þessum ferðum muntu vera með leiðsögumann sem sýnir þér allt sem vert er að sjá á tiltölulega stuttum tíma. Það er ótrúlegu stemming í hópunum og ekkert jafnast á við að sitja í kringum varðeld, glápa á stjörnurnar og njóta bjórs með nýjum vinum.
Viltu vita meira?
Ef þessi grein hefur vakið upp forvitni þína hafðu þá endilega samband við okkur og við skulum hjálpa þér að skipuleggja þína ferð til Balkanskaga, sama í hvaða formi þú vilt hafa hana!
Fá fría ráðgjöf