Röltu um 1000 ára gamla bæi með steinsteyptum götum. Slappaðu af í rólegum sjávarþorpum meðfram ströndinni. Dansaðu á næturklúbbum undir berum himni. Að ferðast um Svartfjallaland þýðir ekki bara að þú upplifir allt þetta heldur einnig fallega náttúru! Landið er aðeins 13.938 km2 en þrátt fyrir það getur þú veitt þér í matinn á stærsta stöðuvatninu á Balkanskaganum, sólað þig á lengstu ströndinni við Adríahafsströndina, farið um borð í bát og siglt um syðsta fjörð Evrópu og skoðað stærsta verndunarsvæði fugla í álfunni.
Fá fría ferðaráðgjöf
Fjöll, vötn og strendur
Svartfjallaland eða Crna Gora (sem þýðir svört fjöll) er fjalllendi með fullt af möguleikum ef þú elskar útiveru. Þú finnur framúrskarandi göngustaði með vel merktum gönguleiðum um sveitina Biogradska Gora, umhverfis Kolašin, í Lovćen þjóðgarðinum og ekki síst í Durmitor þjóðgarðinum sem er einmitt á heimsminjaskrá UNESCO fyrir náttúru- og menningararfleifð. Þjóðgarðurinn er með 23 fjöll sem eru yfir 2300 metra hæð og umkringd ánum Piva og Tara. Durmitor er fullkominn staður fyrir gönguferðir, klifur, hjólreiðar og river rafting.
Meðfram þrönga strandbeltinu á milli Króatíu og Albaníu er að finna miðjarðarhafsloftslag, á miðju Svartfjallalandi er að finna meginlandsloftslagi og til norðurs og austurs við landamærin að Bosníu-Hersegóvínu og Serbíu er að finna háfjallaloftslag. Svartfjallaland er einnig með einstaklega fjölbreytt plöntu- og dýralíf . Eyddu deginum við Skadarvatn sem er frægt fyrir fjölbreytt dýralíf, en þar er að finna 270 tegundir fugla sem lifa á svæðinu og í kringum 50 mismunandi fisktegundir sem lifa í vatninu. Hver veit, kannski munt þú sjá birni, úlfa, villisvín, dádýr og erni á svæðinu og á landssvæðunum í kring!
Einir vinsælustu frístaðir Svartfjallalands liggja meðfram 300 kílómetra langri strandlengju sem er að finna á milli Króatíu í vestri og Albaníu í austri. Ef þú vilt verða sólbrún/n og synda í sjónum þá skaltu ekki láta Budva Riviera með sínum fallegu strandbæjum og ströndum framhjá þér fara. Þar á meðal er Bečići, Petrovac, gamla rómverska byggðinni Budva, og Sveti Stefan skaginn sem er þekktur fyrir hótel sem laða að sér kvikmyndastjörnur og framúrskarandi íþróttafólk.
Ég vil vita meira
Kotor og Podgorica
Pínulitli afgirti bærinn Kotor er skemmtilegur en kirkjur hans og hallir frá Venetian stjórninni heilla auðveldlega. Þú munt ekki sjá eftir því að ganga upp á topp San Giovanni virkisins en þar bíður eftir þér stórkostlegt útsýni yfir bæinn og Kotor-flóann.
Með aðeins 650.000 íbúa og mikla náttúrufegurð er Svartfjallaland öruggleg ekki fyrsti kosturinn þinn ef þú ert að leita að borgarferð en höfuðborg landsins, Podgorica, er í rauninni mjög skemmtileg ásamt því að vera aðgengileg frá ströndinni.
Samgöngur í Svartfjallalandi
Það er almennt séð ansi auðvelt að ferðast um Svartfjallaland. Umfangsmikið strætókerfi gerir þér auðvelt að fara lengst inn í landið. Þrátt fyrir að lestarnetið sé ekki eins útbreitt og strætókerfið, eru nokkrar mjög fallegar lestarleiðir sem þú gætir viljað fara, eins og frá Bar við ströndina, um Virpazar við Skadarvatn til Podgorica og alla leiðina til Serbíu.
Ég vil vita meira
Ólífur og mjólk
Matarupplifun þín í Svartfjallalandi fer eftir því hvað svæða þú ert að ferðast til. Við Adríahafið og Kotorflóa færðu fisk og sjávarrétti útbúna með mikið af ólífum og oft borið fram með polenta. Í kringum Skadarvatn er karpi útbúinn með þurrkuðum plómum, eplum og roðarunna. Umhverfis Durmitor er maturinn sem og hvernig hann er útbúinn einkennt af gömlum hefðum. Prófaðu ispod saća lamba - sem þýðir útbúið undir bjöllulaga loki þannig að kjötið haldist safaríkt. Heimamenn eru almennt hrifin af mjólkurafurðum. Heimalagaður ostur og mjólk eru notuð á ýmsa vegu í ýmsum réttum, svo sem lambakjöti sem er soðið í kindamjólk. Prófaðu einnig kajmak, sýrðan, létt saltaðan ost sem er búinn til með því að skafa topplagið af soðinni mjólk og kæla það síðan niður. Prufaðu að setja ostinn á brauð einn morguninn.
Ný þjóð
Vertu ekki of pirraður við sjálfan þig ef þú veist ekki mikið um Svartfjallaland, sem er eitt af nýjustu sjálfstæðu löndunum í heiminum. Svartfjallaland varð fullvalda ríki eftir að rúmlega 55 prósent landsmanna völdu sjálfstæði í þjóðaratkvæðagreiðslu í maí 2006. Fram að því hafði Svartfjallaland verið í sambandsríki Serbíu og Svartfjallalands - sjálft stofnað aðeins þremur árum fyrr af leifum Júgóslavíu.
Fá fría ráðgjöf
