Sem hluti af fyrrum Júgóslavíu féll ströndin á Svartfjallalandi oft í skugga strandarinnar í nágrannaríkinu Króatíu en landið bætir upp tapaðan tíma og í dag er 300 km löng strandlengjan milli Króatíu í vestri og Albaníu í austri frekar fjölsótt á sumrin. Það eru stór hótel og einkaherbergi til leigu í hverju einasta þorpi. Vinsælasti frístaðurinn er án efa 38 km löng lengja stranda, flóa, kletta og höfða, einnig þekkt sem Budva Rívíeran með fallegum strandbæjum og flottum sandströndum.
Fá fría ráðgjöf
Hvað er hægt að gera í Budva?
Á aðalsvæðinu í Budva finnur þú ekki fyrir skorti á sólbaðsstöðum og næturklúbbum. Ef þú ert ekki lofthrædd/ur getur þú hoppað úr 40 m hæð við slóvensku ströndina eða farið í svifflug frá hæðinni umhverfis bæinn.
Ef þú elskar menningu ættir þú að heimsækja gamla bæinn frá miðöldum sem er með steinveggjum reistum af Feneyingum og litla Sv. Marija kirkju sem var stofnuð af munkum á 8. öld. Reyndar er Budva frá 5. öld f.Kr., sem gerir hann að elstu þéttbýlisbyggð við Adríahafsströndina. Helsta slagæðin í gamla bænum er Njegoševa sem leiðir þig í átt að Citadel - gamla virkinu við ströndina þar sem þú getur horft yfir Adríahafið og Sv. Nikola Island.
Frá Budva er aðeins stuttur akstur til pínulitla víggirta bæjarins Kotor sem er einmitt á heimsminjaskrá UNESCO. Þú þarft ekki að hafa mikinn áhuga á arkitektúr eða sögu til að kunna að meta gömlu fallegu kirkjurnar og hallirnar hér frá Venetian stjórninni. Á sumrin muntu líklegast ekki klifra upp á top San Giovanni virkisins sem þú finnur fyrir ofan gamla bæinn án þess að svitna, en útsýnið yfir bæinn og Kotor-flóann þaðan er vel þess virði!
Mentenegro eða Crna Gora þýðir „svört fjöll“ og Svartfjallaland er raunar fjalllendi með fullt af valmöguleikum til að fara í göngu. Í stuttri aksturfjarlægð frá Budva og Kotor flóa er einnig Lovćen þjóðgarðurinn sem, fyrir utan fallega og fjölbreytta náttúru, er frægur fyrir risa grafhýsi þjóðhetjunnar Petar Petrović Njegoš.
Samgöngur í Budva
Umfangsmikið strætókerfi gerir þér kleift að ferðast Svartfjallaland til enda og Budva og Kotor eru aðgengilegir frá flestum landshlutum. Frá Bar á ströndinni er svo hægt að taka fara í fallegar lestarferðir um Virpazar við Skadarvatn til Podgorica og alla leiðina til Serbíu.
Ég vil vita meira
Ekki láta fara framhjá þér að...
- Smakka grillaðan smokkfisk (lignje na žaru)
- Sjá flóann í Kotor
- Fara í svifflug í Budva
- Upplifa Lovćen þjóðgarðinn
Fá fría ráðgjöf
