Bestu áfangastaðirnir í ágúst
Þú getur andað rólega, það er enn einn mánuður eftir af sumrinu! Afhverju ekki að nýta sér hann og skella sér í ævintýri áður en hversdagsleikinn og haustið tekur við? Þá þegar það kemur frost getur þú allavega leitt hugann að ferðinni sem þú fórst í í ágúst. Ef þú vilt vita hvert er best að ferðast í ágúst þá finnur þú svarið hér í þessari grein!
Lestu áfram og sjáðu hvaða áfangastöðum við mælum með í ágúst og ef að engin þeirra hentar þér þá skaltu ekki hafa áhyggjur. Við sérhæfum okkur í að sérsníða ferðir eftir óskum viðskiptavina okkar svo hafðu samband við okkur og fáðu fría ráðgjöf.
Fá fría ráðgjöf
Ertu ekki að ferðast í ágúst? Kíktu á ferðadagatalið okkar HÉR.
Svæði sem frábært er að ferðast til í ágúst
Hér getur þú séð þau svæði í heiminum sem er frábært að ferðast til í ágúst. Okkur langar þó að taka fram nokkra áfangastaði sem við mælum sérstaklega með en mundu, þetta eru einungis tillögur - við getum hjálpað þér að fara hvert sem þú vilt í ágúst.
BORNEÓ
Borneó er þriðja stærsta eyjan í heiminum á eftir Grænlandi og Papúa Nýju-Gíneu, og liggur á milli Malasíu, Indónesíu og Brunei. Ef þú ferð til Borneó verður þú að heimsækja einn elsta regnskóg heimsins en hann er um 130 milljón ára gamall og er heimili órangúta.
Indónesíski hluti Borneó er stærstur svo miklar líkur eru á því að þú eyðir mestum tíma þínum þar. Þar sem eyjan er stór er erfitt að segja til um veðrið þar sem það getur verið mjög misjafnt eftir því hvar þú ert. Þegar þú ferðast til Borneó þarftu samt ekkert að hugsa mikið um árstíðirnar svo það er tilvalið að ferðast þangað í ágúst.
Á meðan þú ert í Borneó verður þú að prófa að surfa og kafa meðfram strandlengjunni ásamt því að heimsækja þjóðgarða. Þjóðgarðarnir Gunung Mulu og Kianalu eru til dæmis á heimsminjaskrá UNESCO.
Fá fría ráðgjöf
Við mælum sérstaklega með eftirfarandi ferðum í Borneó í ágúst
1. East Sabah Adventure
Þessi 8 daga ferð heldur þér á tánum á töfrandi Borneó. Þú munt dást að náttúrunni á Libaran Island, heimsækja endurhæfingarmiðstöð Órangúta, labba um götur Kota Kinabalu og upplifa frumskóginn. Borneó hefur allt og meira til!
2. Highlights of Sabah & Mt Kinabalu
Ef að Borneó er draumur náttúruunnandans þá er þessi 11 daga ferð gerð til að láta þann draum rætast. Frumskógur og fjallstoppur við sólarupprás. Það gerist ekki betra
AUSTURSTRÖND TÆLANDS
Af hverju ættir þú að fara til áfangastaðar sem allir hafa heyrt um? Af því að Tæland er svo miklu meira en bara það! Í ágúst getur þú dansað á Koh Phangan sem er þekkt fyrir Full moon partýin sín. Þessi partí eru á hverju kvöldi rétt fyrir og rétt eftir fullt tungl. Þar dansaru við RnB og Reggae tónlist þar til sólin kemur upp.
Regntímabilið á Tælandi er í ágúst en þrátt fyrir það er hitastigið í kringum 24-32 gráður og það rignir töluvert minna á austurströndinni en á vesturströndinni. Eyjan Koh Samui er fjarri fjallgörðum svo það fellur lítið regn þar og því er hún aðeins einn af mörgum stöðum til að stoppa á.
Þar sem flestar ferðir til Tælands eru farnar um veturinn þýðir það að ef þú ferð í ágúst ertu ekki á hápunkti ferðamannatímabilsins. Verðin eru því lægri og þú getur notið ódýrrar dvalar í paradís.
Meðal þess sem þú getur gert á Tælandi er að læra að kafa, læra að surfa og að sjálfsögðu borðað góðan mat!
Fá fría ráðgjöf
Við mælum sérstaklega með eftirfarandi ferðum á Tælandi í ágúst
1. Ferð til Tælands
Þessi ferðaáætlun leiðir þig til virkilega flottra og fjölbreyttra staða í Tælandi. Kannaðu Bangkok og ferðastu alla leiðina niður til Hua Hin. Þú ferð í sjálfboðastarf með fílum og öðrum dýrum áður en þú skellir þér til nokkra paradísareyja í suðri. Þetta verður svo sannarlega fjölbreytt og skemmtileg ferð.
2. Indókína
Hvernig hljómar að skreppa til Dubaí, og ferðast svo um Indókína í 4 vikur með öðrum ævintýragjörnum bakpokaferðalöngum? Tæland, Kambódía, Víetnam og Laos bíða þín!
KENÍA
Það er enginn staður eins og Kenía (nema kannski Tansanía. Þar finnur þú adrenalínið flæða er þú horfir á ljón í sínu náttúrulega umhverfi eða keyrir framhjá fílahjörð!
Ágúst er fullkominn mánuður til að ferðast til Kenía þar sem veðrið er þægilegt, ekki of heitt og ekki of kalt. Meðalhitastigið er í kringum 20 gráður á daginn þar sem litlar líkur eru á rigningu. Það eru engar drastískar hitabreytingar í Kenía eins og er við miðbauginn en veðrið fer samt eftir því hvar í Kenía þú ert. Borgir meðfram ströndinni og í norðri eru heitastar í ágúst.
Fá fría ráðgjöf
Við mælum sérstaklega með eftirfarandi afþreyingum í Kenía í ágúst
1. Kenya Camping Safari
Áætlunin í þessari 9 daga ferð hefur verið vandlega skipulögð í kringum fjölda þjóðgarða sem eru þekktir fyrir að geyma fjölbreytt dýralíf Afríku. Svo hafðu myndavélina tilbúna!
2. Kenya & Uganda Gorilla Adventure
Í þessari 15 daga skipulögðu ferð munt þú sjá fjallagórillur í sínu náttúrulega umhverfi í Úganda, leita að "the big five" og sjá simpansa í Kalinzu skóginum. Hagstæð ævintýraferð ef þig langar að upplifa dýralíf og náttúru Afríku.
3. Frá Jóhannesarborg til Naíróbí
Þessi ferð mun taka þig yfir landið frá Jóhannesarborg og alla leiðina til Naíróbí og landana 7 sem liggja þar á milli. Í henni getur þú reynt að sjá "the big five" í Serengeti og Ngorongoro, skoðað Okavango deltuna, dást að Viktoríufossum og slappað af á Zanzibar. 27 dagar - ógleymanlegt ævintýri.
LANGAR ÞIG AÐ FERÐAST Í ÁGÚST EN VEIST EKKI HVERT?
Engar áhyggjur! Við höfum sérþekkingu á þessu sviði og getum aðstoðað þig að skipuleggja ferð sem hentar þér fullkomlega. Bókaðu fría ráðgjöf hjá okkur og við getum byrjað að hanna ferðina þína. Ertu ekki að fara að ferðast í ágúst? Kíktu þá á ferðadagatalið okkar og veldu þann mánuð sem þig langar að ferðast í.
Bóka fría ráðgjöf