Indókína

Ferðaleið: ✈️ Bangkok - Ho Chi Minh City - Dalat - Hanoi - Chiang Mai Bangkok

Ath: Þú getur annað hvort sameinað þessa ferð við lengra bakpokaferðalag eða verið bara í þessa daga. Við getum hjálpað þér við að skipuleggja bæði.

Þú byrjar þessa ferð með því að fljúga til Bangkok! Þú færð smá tíma til að kanna borgina á eigin vegum. VIð mælum með að taka the river boat express! „Bangkokbúar“ nota bátinn til að ferðast á milli staða en þú ættir að nota hann til að skoða. Í hefðbundinni leigubílaferð sérðu varla það sem er fyrir framan þig en á hraðbátnum ertu úti á víðavangi með vindinn í hárinu, borgin rís fyrir framan þig á meðan þú sérð hvernig fólkið býr við og meðfram ánni. Báturin er hraður en einnig mjög afslappaður og gefur þér tækifæri til að verða hluti af daglegu lífi í Bangkok! Hann er líka súper ódýr. Þú skalt reyna að fá sæti aftast undir berum himni. Í Bangkok munt þú síðan hitta restina að fólkinu sem þú munt ferðast með.

Eftir góðan nætursvefn er kominn tími til að fara yfir landamærin til Kambódíu og til Siem Reap. Þú mætir tímanlega til að njóta dýrindis Khmer máltíðar. Vertu tilbúin/n næsta morgun fyrir hið ótrúlega musteri Angkor Wat, þú gætir eytt mörgum dögum hérna til að skoða allt!

Þú og ferðafélagar þínir munu næst ferðast til Phnom Penh til að læra um dapra sögu Kambódíu. Þú getur lært meira um það sem fólkið hefur gengið í gegnum með heimsókn í Tuol Sleng fangelsið og Killing Fields, eða fengið friðsælli upplifun með því að skoða Silver Pagoda eða konungshöllina.

Þú munt auðvitað fá að upplifa fallegar strendur Kambódíu á ferð þinni svo komdu með sundfötin! Þú ferð til Sihanoukville og stígur um borð í bát sem ferð með þig á einkaströnd á Koh Rong eyjunni!

Næst er heimagisting í Chambok Village þar sem þú munt kynnast heimamönnum yfir dýrindis kambódískum heimatilbúnum mat.

Frá Chombok ferðastu yfir landamærin til Víetnam! Þú hefur nokkra daga til að skoða borgina með nýju vinum þínum. Þessum hluta hópferðarinnar er lokið, en ekki hafa áhyggjur! Það er nýtt ævintýri sem bíður þín í Ho Chi Minh City. Næstu 6 daga muntu keyra um með stæl og reynslumiklum bílstjóra á vespu til Dalat! Þú leggur leið þína niður um suðurhluta landsins og upplifir raunverulega Víetnam. Þú munt hitta heimafólk, kanna Truong Son fjallgarðinn, (Ho Chi Minh trail) og finna frelsið á opna veginum.

Að lokinni hjólaferð þinni til Dalat færðu frí til að ferðast aftur til Hanoi á eigin vegum. Hanoi er ung borg og hún er stútfull af nemendum frá Víetnam. Þegar líður á nóttina verða litlu þröngu göturnar pakkaðar af lituðum plaststólum. Það safnast unga fólkið saman, borðar sólblómafræ, drekkur local bjór og spjallar á meðan þau fylgjast með fólkinu sem labbar framhjá. Fáðu þér sæti og vertu með! Það er besta leiðin til að eignast nýja vini á staðnum.

Frá Hanoi leggurðu í gönguferð um Sapa, sem við höldum að sé eitt fallegasta svæði Víetnam. Í Víetnam eru 54 þjóðernishópar og hver hópur hefur sinn sérstaka lit og klæðaburð. Þú munt ferðast með lest til Sapa og fá að heimsækja nokkrar fjölskyldur í Sapa-dalnum áður en þú ferð aftur til Hanoi.

Í okkar tillögu að ferðinni er Sapa Village ferðin innifalin, en ef þú hefur ekki áhuga á að fara í gönguferð gætirðu skipt henni út fyrir afslappandi bátsferð og skemmtisiglingu um Halong Bay! Þú lætur okkur bara vita!

Það er undir þér komið hvernig þú vilt komast til Tælands, en í þessari tillögu höfum við bætt við flugi frá Hanoi til Chiang Mai. Svo þú getur hoppað í flugvél frá Hanoi til Chiang Mai EÐA þú getur bætt við nokkrum dögum og ferðast frá Hanoi til Luang Prabang og haldið áfram ferðinni í gegnum Laos til að komast til Chiang Mai á eigin vegum. Ef þú ákveður að ferðast um Laos mælum við með að þú heimsækir Saffron kaffihúsið í Luang Prabang, þar sem þú munt líklegast hitta marga aðra bakpokaferðalanga. Þú ættir líka að fá þér morgunmat á Létranger Books! Þeir eru frægir fyrir ljúffengan morgunmat og það er frábær leið til að hefja daginn í Luang Prabang!

Í Chiang Mai bíður eftir þér útilega! Upplifðu lífið uppi á fjöllunum með þorpsbúum Karen Hill Tribe. Heimsæktu sveitarfélög og sjaldséð musteri áður en þú setur upp tjald þitt fyrir nóttina. Að sofna undir stjörnunum í frumskóginum hljómar ótrúlega vel ef þú spyrð okkur!

Í þessari tillögu er fylgir útilegan með, en ef þú ert ekki í til í að kanna frumskóginn og vilt frekar njóta hafsins gætirðu breytt því og farið beint frá Hanoi til Phuket til að taka þátt í siglingu. Þú munt þá heimsækja Phang Nga Bay, Railay Beach, Ko Ha Yai, Ko Phi Phi, Ko Racha Noi og Ko Yao Yai áður en þú ferð aftur til Phuket.

Það er undir þér komið hversu lengi þú vilt ferðast en við mælum með að þú leggur leið þína aftur annað hvort til Bangkok, Phuket eða Singapore til að fljúga heim. Ef þú ætlar að framlengja dvöl þína í Tælandi, þá eru nokkrar afþreyingar sem þú gætir bætt við. Hvað með sjálfboðastarf með fílum? Eða að læra að kafa á Koh Tao? Kannski upplifa full moon partí? Valkostirnir eru endalausir!