Uppfært 11.09.2020 - 08:53
Bókaðir þú einungis flug hjá okkur: Þú finnur frekari upplýsingar hér.
Ertu með spurningar um endurgreiðslur: Þú finnur frekari upplýsingar hér.
COVID-19 (Kórónaveiran) hefur orðið til þess að fólk um allan heim ákveður að fresta ferðaáætlunum sínum á þessu ári. Við skiljum að viðskiptavinir okkar hafa áhyggjur. Öryggi þitt skiptir okkur máli og þess vegna ráðleggjum við viðskiptavinum okkar alltaf að skoða nýjustu upplýsingar um COVID-19 á síðu landlæknis eða á www.covid.is. Við hjá KILROY fylgjumst alltaf með nýjustu fréttum frá utanríkisráðuneytinu og landlækni, sem og við ræðum við samstarfsfélaga okkar um allan heim. Við tökum undir ráðleggingar utanríkisráðuneytisins og mælum eindregið gegn ónauðsynlegum ferðalögum erlendis.
Þitt öryggi er okkur mikilvægt
Við tökum undir ráðleggingar utanríkisráðuneytisins og mælum eindregið gegn ónauðsynlegum ferðalögum erlendis. Vinsamlegast hafðu það í huga að ef þú yfirgefur landið og ferð í nýja ferð á þessum tímapunkti, muntu missa öll réttindi þín hjá okkur í samræmi við lög um pakkaferðir og ferðatryggingu.
Fylgstu með þessum opinberu aðilum:
Ertu búin/n að bóka ferð?
Ef þú ert búin/n að bóka pakkaferð gilda lög um pakkaferðir. Pakkaferðir skilgreinast sem ferð með flugferð og nokkrum hlutum eins og gistingu og upplifunum sem keyptar eru saman.
Íslensk yfirvöld ráðleggja fólki að ferðast ekki, hafðu samband við tryggingafyrirtækið þitt eins fljótt og auðið er til að fá upplýsingar um endurgreiðslumöguleika.
Ef þú átt bókaða ferð á næstu 30 dögum og við erum ekki komin í samband við þig skaltu senda okkur póst á [email protected].
Ef þú vilt breyta ferð þinni í síðari brottför, mælum við með að þú afbókir ferðina núna og endurbókar síðan þegar ferðaráðum er formlega aflétt. Við vonum að þetta gerist fyrr en seinna og við erum spennt að hjálpa þér við að fara út í heiminn þegar við náum þessum tímapunkti.
Áttu aðeins bókað flug?
Ef flugið þitt er á næstu tveimur vikum mælum við eindregið með því að þú gerir breytingar á dagsetningum eða afbókir flugin þar sem ekki er ráðlagt að ferðast um þessar mundir. Við aðstoðum við allar breytingar eða afpantanir sé þess óskað en í þessum tilvikum mælum við með að þú hafir samband við tryggingafélagið þitt fyrst.
Ertu í ferð núna?
Margir eru að ferðast núna. Við mælum með að þú hafir samband við okkur svo við getum aðstoðað þig við að komast heim til Íslands.
Utanríkisráðuneytið mælir ekki með ferðalögum erlendis og við tökum undir þær ráðleggingar og biðlum til þeirra sem eru úti núna að huga að heimferð á skjótan og skilvirkan hátt. Við getum aðstoðað ykkur við að finna flug heim sé óskað eftir því. Í slíkum tilvikum hefur þú ekki rétt á endurgreiðslu á þeim hluta ferðarinnar sem þú getur ekki lokið. Þá þarftu að ræða við tryggingarfélagið þitt.
Breytingar á inngöngu í lönd
Ef að reglur um inngöngu í land breytast í bókun þinni og þú getur ekki lokið ferðinni eins og áætlað var getum við aðstoðað við slíkar breytingar. Í slíkum tilvikum hefurðu ekki rétt á endurgreiðslu á þeim hluta ferðarinnar sem þú hefur ekki leyfi til að ljúka. Þá þarftu að ræða við tryggingarfélagið þitt.
Sóttkví
Ef þú ert sett/ur í sóttkví á meðan ferðalagi þínu stendur, ættir þú strax að hafa samband við tryggingarfélagið þitt og útskýra ástandið. Einnig bendum við á að hafa samband við utanríkisráðuneytið sem getur leiðbeint Íslendingum erlendis.
Eru fleiri en 30 dagar í ferðina þína?
Við skiljum vel að þú viljir fá frekari upplýsingar um bókunina þína en þar sem fjöldi beiðna er mikill verða fyrirspurnir um ferðir sem eiga sér stað innan næstu 30 daga forgangsraðaðar. Því lengra sem það er í ferðina þína því lengri er svartíminn okkar. Við þökkum fyrir þolinmæðina.
Ef þú veist nú þegar að þú vilt hætta við fyrirhugaða ferð þína sem er áætluð eftir að ferðaráð utanríkisráðuneytisins endar getur þú gert það. Ef þú velur að gera það gilda venjulegir skilmálar um afpöntun. Ferðatrygging þín fer eftir tryggingum þínum, en þú verður fyrst að ljúka við afpöntunina hjá okkur. Sendu okkur tölvupóst á [email protected].
Ertu að velta fyrir þér fjárhagslegum réttindum þínum?
KILROY mun uppfylla skyldu sína gagnvart öllum viðskiptavinum til að aðstoða og auðvelda í þessu óvenjulega ástandi. Ef þú ert að velta fyrir þér fjárhagslegum réttindum þínum, þá bjóðum við eftirfarandi fyrir ferðalög sem eru skilgreindar sem pakkaferðir (þ.e. flug og aðrar vörur eins og hótel, ævintýraferðir o.s.frv. í sömu bókun). Hér eru nokkur meginreglur:
KILROY fer eftir pakkaferðalögunum sem þýðir að við aðstoðum alla viðskiptavini og styðjumst við opinber ferðaráð utanríkisráðuneytisins. Þetta þýðir að upplýsingar frá öðrum aðilum eru ekki til marks um fjárhagslegar skuldbindingar KILROY til viðskiptavina.
Núverandi eða breytingar á inngöngureglum innflytjendayfirvalda, þ.e. á áfangastöðum sem þú ert að fara til, réttlæta ekki sjálfvirka endurgreiðslu frá KILROY. Þess vegna veita afpantanir og breytingar vegna ótta ekki endurgreiðslu en auðvitað munum við aðstoða þig við allar breytingar eða afpantanir sem þú vilt.
Ef upp koma aðstæður þar sem KILROY getur ekki endurgreitt ferðina alla eða að hluta vegna aðstæðna af okkar hálfu, gilda lög um pakkaferðir.
Við erum umboðsaðili fyrir ýmsa samstarfsaðila og birgja um allan heim og höfum yfirstandandi samninga og skyldur gagnvart þeim. Ástandið í kringum Kórónaveiruna hefur áhrif á alla okkar starfsemi sem og okkar atvinnugrein og við vinnum saman að því að ná árangursríkum lausnum í samvinnu við alla.
Lestu meira um endurgreiðslur á pakkaferðum hér.