Í Novi Sad eru kaffihúsin í kringum Trg Slobode pökkuð af nemendum sem sötra á ódýrum kaffibollum eða vínum. Novi Sad mun heilla þig með sínu afslappaða andrúmslofti, fallegu göngugötum, notalegum görðum og ótal veitingahúsum og börum. Þar sem Novi Sad er háskólaborg, fallega staðsett við Dóná í Norður-Serbíu, laðar borgin að sér mörg ungmenni. Þar búa um 270.000 manns en Novi Sad er einmitt næst stærsta borg Serbíu þar sem íbúarnir eru blanda af Serbum, Ungverjum, Króötum og Slóvökum.
Fá fría ferðaráðgjöf
Besti tíminn til að heimsækja Novi Sad
Sumarið er góður tími til að heimsækja Novi Sad. Ár hvert í júlí á gamla hersvæðinu er ein stærsta og metnaðarfyllsta tónlistarhátíð Evrópu, Exit Festival, haldin. Hátíðin var fyrst haldin árið 2000 og átti rætur sínar að rekja til mótmæla nemenda sem geisuðu gegn Slobodan Milošević, fyrrverandi forseta Serbíu. Hátíðin dregur allt að 200.000 manns frá 60 löndum til Novi Sad sem og stórar alþjóðlegar techno, hip hop og rokkstjörnur.
Leifar fortíðar
Novi Sad líkist helst borgunum Vín og Búdapest en það er enginn vafi á því að bærinn hefur orðið undir áhrifum tíma austurrísku-ungversku stjórnarinnar. Í innri borginni munt þú taka eftir fallegri blöndu af barokkbyggingum og byggingum frá endurreisnartímabilinu, og Petrovaradin virkið við Dóná mun eflaust ekki fara framhjá þér en saga þess teygir sig aftur til 1600.
Fruška Gora þjóðgarðurinn
Novi Sad er fullkomin stoppistöð ef þú vilt skoða Fruška Gora þjóðgarðinn. Það er elsti þjóðgarður Serbíu en hann teygir sig 80 km og þar er að finna fallegar hæðir auk stórkostlegs plöntu- og dýralífs. Einnig má sjá tugi klaustra, þar á meðal Novo Kopovo og Krusedol frá 16. öld.
Ég vil vita meira
Samgöngur í Novi Sad
Hægt er að taka strætó frá Novi Sad til Belgrad allan sólarhringinn ásamt stærri bæjum í Vojvodina héraðinu. Með strætó geturðu einnig náð til nærliggjandi borga eins og Búdapest, Sarajevo, Banja Luka og Zagreb. Lestarvalkostir eru takmarkaðri en lestirnar sem tengja Búdapest við Belgrad stoppa í Novi Sad. Það er auðvelt að rata innan Novi Sad og flestir staðir eru í göngufæri.
Ekki láta framhjá þér fara að...
- Smakka Fiš paprikaš - hefðbundinn sterkan fiskrétt
- Sjá Petrovaradin virkið
- Skoða náttúrina í Fruška Gora
- Upplifa Exit hátíðina
Fá fría ráðgjöf
