Fylgdu straumnum niður þröngar götur þar sem hljómar götutónlistarmanna sem spila gamla slagara óma fyrir bjórsötrandi áhorfendur. Þetta er ekki upplifun sem þú munt eiga ein/n en það eru miklar líkur á því að þú hafir séð helstu ferðamannastaði Split jafnvel áður en þú stígur fæti í bæinn!
Fá fría ferðaráðgjöf
Rómversk höll sem felur dreka
Split er önnur stærsta borg Króatíu og var stofnuð í kringum rúmlega 1700 ára gamla höll rómverska keisarans Diocletian, en höllin var einmitt notuð sem tökustaður í Game of Thrones. Í katakombunum fyrir neðan höllina er hægt að sjá hvar Daenerys Targaryen faldi drekana sína og aðeins fyrir utan borgina er hægt að halda áfram á GOT slóðir með því að heimsækja Klis virkið sem var bakgrunnur fyrir skáldskaparborgarríkið Meereen.
Hafnarborg
Í raunveruleikanum er saga Split ekki minna dramatísk GOT! Í þúsundir ára hafa mismunandi þjóðir og heimsveldi barist um borgina og eftirsóttu staðsetningu hennar við sjóinn. Í dag sérðu líflega borg með götusýningum og börum en höfnin er notuð sem stoppistöð fyrir skemmtiferðaskip og farþega þeirra sem sigla til og frá eyjunum í eyjaklasanum.
Skellti þér að surfa
Í klukkutíma fjarlægð frá Split er að finna Brac og Zlatni rat - 500 metra langa strandlengju sem er einsök í laginu, eins og lítill skagi sem teygir sig í sjóinn. Þetta er ein vinsælasta strönd Króatíu en hún er einnig þekkt fyrir að vera einn besti staðurinn í Króatíu til að surfa.
Ég vil vita meira
Tími til að djamma
Einnig í klukkutíma fjarlægð frá Split er Hvar. Undanfarin ár hefur eyjan orðið þekkt sem djammeyja þar sem stórar snekkjur í höfninni sýna hvað hún er vinsæll áfangastaður fyrir frægt fólk og nouveau riche, þannig að ef þú ert að leitast eftir góðu næturlífi þá er þetta staðurinn fyrir þig. Í aðalbæ Hvar sérðu stórkostlegar hallir og kirkjur skreyttar af venetískum endurreisnarmálurum. Ef þú kannar svo eyjuna á hjóli (sem við mælum svo sannarlega með að þú gerir) þá finnur þú lyktina af rósmarín sem vex villt í brekkunum, sérð ólívutré, víngarða, lavender akra og fallegar strendur.
Ég vil vita meira
Uppgötvaðu leyndarmál
Eyjan Vis, sem á tímum kalda stríðsins þjónaði sem herstöð og var því lokuð almenningi, er í u.þ.b. 2,5 klukkustunda fjarlægð frá Split. Með hjóli, bíl og strætisvagni er hægt að finna afskekktar strendur, engi með villtum jurtum og upplifa nokkrar af gömlu hernaðarstöðunum sem eru í dag aðgengilegar almenningi. Ó, og veitingastaðirnir á Vis bjóða einnig upp á framúrskarandi sjávarrétti ef það er eitthvað sem þú elskar!
Samgöngur í Split
Split er umferðarmiðstöð með alþjóðlegum flugvelli og góðum strætótengingum bæði við ströndina og meginlandið sem og beinar lestir til t.d. Zagreb, svo það er auðvelt að komast til Split og að ferðast um Split.
Fá fría ráðgjöf
