Sjáðu þetta fyrir þér! Götur fullar af hipster kaffihúsum og flottum börum þar sem er að finna retró innréttingar og frumlega kokteila. Tirana er staðsett miðsvæðis í Albaníu, aðeins 30 km frá nokkrum af bestu ströndum landsins í vestri og um 25 km frá grænu Dajti fjöllunum í austri. Borgin er rúmlega 40 km2 og þar búa um 450.000 íbúar. Það er frekar auðvelt að ferðast um Tirana en jafnvel þótt þú getur farið fótgangandi um borgina er líka auðvelt að hoppa upp í strætó. Almenningssamgöngurnar eru ótrúlega ódýrar en það eru leigubílar líka. Tirana er einnig vel tengd öllum öðrum hlutum Albaníu.
Fá fría ferðaráðgjöf
Blloku hverfið
Ef þú vilt eiga eftirminnilega nótt á meðan þú dvelur í Tirana, þá eru góðar líkur á því að draumar þínir rætist í Blloku hverfinu. Þangað til fyrir nokkrum áratugum var það hverfi sem var einungis fyrir fólk sem var hluti af kommúnistaelítunni. Núna hafa einbýlishúsin þeirra - þar með talið það hús sem tilheyrði hinum alræmda albanska einræðisherra Enver Hoxha - fengið nýja leigjendur - og Blloku hefur verið breytt í afþreyingarhverfi þar sem þú finnur skemmtilega stemmingu, frábært næturlíf, fallega litla veitingastaði og tískuverslanir.
Gamli kommúnisminn
Minningarhús Enver Hoxha við Wolhmorët e Kombit Boulevard er erfitt að láta framhjá sér fara. Stór, hvítur pýramídi sem reistur var af dóttur Hoxha sem var arkitekt. Þessi bygging átti upphaflega að vera safn um allt sem leiðtoginn hafði gert, en þegar pólitíski vindurinn í Albaníu breyttist var honum fyrst breytt í diskótek, síðan í ráðstefnumiðstöð og í dag er hann einungis minnisvarði um grimma fortíð landsins.
Tirana er hægt og rólega að hrista af sér fyrrum kommúnistatíð svo borgin er virkilega skemmtilegur áfangastaður sem er ólíkur nánast öllum öðrum áfangastöðum í Evrópu. Fyrstu 20 árin eftir að kommúnisminn féll voru menn meira en tilbúnir til að gleyma fortíðinni og rífa alla minnisvarða sem reistir voru til heiðurs fyrrum leiðtogum, en þá fóru yfirvöld Albaníu að vernda nokkra af gömlu kommúnistabyggingunum. Þess vegna geturðu í dag kíkt í eftirlitsmiðstöð leynilögreglu Albaníu, sem er til húsa í dæmigerðri kommúnistabyggingu. House of Leaves Museum sýnir svo hluti sem lögreglan notaði til að njósna um óvini. Ef þú hefur áhuga á kalda stríðinu, leyniþjónustum og njósnum ættirðu líka að heimsækja Bunk’Art 1 & 2 sem sýna vel lífið undir stjórn einangrunarsinna.
Í Tirana finnur þú einnig margar fallegar sögulegar byggingar, sérstaklega í kringum Skanderbeg torg.
Ég vil vita meira
Ekki láta framhjá þér fara...
- Byrek, þunna sætabrauðinu sem er fyllt með til dæmis osti, tómótum, lauk og spínati.
- Litríku íbúðarblokkirnar sem eru málaðar í skærum litum til að lífga upp á dökkgráar byggingar kommúnismans.
- Leaves House - svipaðar og Stasi höfuðstöðvar fyrrum Austur-Þýskalands.
- Skemmtilegri kvöldstund í Blooku.
Fá fría ferðaráðgjöf
