Mitt helsta áhuga mál er og hefur lengi verið að ferðast! Ég veit ekkert betra en að kynnast ólíkum menningarheimum, fólki og að prófa nýja og skemmtilega hluti.
Það að ferðast er æðislegt þó það sé ekki alltaf dans á rósum, en það sem það gefur þér er algjörlega ómetanlegt. Ég hef lært ansi mikið um lífið og sjálfa mig með því að ferðast, sem er eitthvað sem ég gæti ekki hafa lært öðruvísi. Ég varð ástfangin af ferðaheiminum þegar ég fór í mína fyrstu reisu árið 2019 á vegum Kilroy. Ég fór til Tokyo, Víetnam, Tælands og Balí, og ég get með sanni sagt að þetta voru nokkrar af bestu vikum lífs míns. Eftir það hugsaði ég ekki um annað en næstu ferð, sem getur líka valdið smá valkvíða þegar manni langar að fara allt!
Ég skellti mér svo í mína fyrstu sóló ferð í apríl 2022 og fór að surfa í Portúgal, vinna á hosteli í Brasilíu og hitti vinkonu mína í Guatemala. Sú ferð var krefjandi en alveg ótrúlega gefandi.
Næsta ferðin mín verður annað hvort roadtrip í Ástralíu, safarí í Afríku eða aftur til Brasilíu og svo yfir til Argentínu, Kólumbíu og landanna þar i kring. Eins og ég segi, alveg mjög erfitt að velja en ég get leyft mér að dreyma.
Ef þú vilt skella þér í smá ævintýri, sem ég mæli hiklaust með að þú gerir, endilega hafðu samband og við setjum saman þína draumaferð í sameiningu!