Fjölskylduferð til Tælands

Ferðin

Fjölskylduferðin hefst á flugi til Tælands þar sem ferðalagið er brotið upp með tveimur nóttum í eyðimerkurborgunum Dúbaí eða Doha. Þegar þið lendið er fjölskyldan sótt á flugvöllin og færð á 4* hótel þar sem morgunmatur er innifalinn. Í Dúbaí/Doha getur fjölskyldan átt saman magnaðar upplifanir þar sem þið farið í ógleymanlegt eyðimerkursafarí og ef þið eruð í Dúbaí, heimsókn upp í hæstu byggingu heims, Burj Khalifa! 

Eftir dásamlegt stopp heldur fjölskylduferðin áfram til Tælands. Þið lendið í Phuket og dveljið á 4* hóteli við ströndina með morgunmat. Næstu 6 nætur fara svo í slökun á ströndinni þar sem þið getið farið í tælenskt nudd, rölt um lifandi götmarkaði og upplifað Tæland.

Eftir Phuket tekur við Khao Sok þjóðgarðurinn í tvær nætur með öllu inniföldu. Fjölskyldan gistir í trékofum og fljótandi húsum á vatninu. Í þjóðgarðinum finnið þið stórkostlega náttúru og ótrúlegt dýralíf allstaðar í kring. Á meðan þið dveljið hér er tilvalið að skella sér í bátsferðir um þjóðgarðinn, snorkla, fara í hellaskoðanir og sjá fíla vera baðaða. 

Eyjan Koh Samui er næsti áfangastðaur en eyjan er full af lífi þar sem þið finnið spennandi afþreyingar eins alvöru tælensk matreiðslunámskeið, göngur upp að fallegum fossum þar sem hægt er að baða sig, fjórhjólaferðir og svo er auðvitað líka bara hægt að slappa af á ströndinni með kokteil í hönd. Eftir 6 nætur á eyjunni heldur fjölskyldan áfram til Bangkok þar sem ferðin endar. Þar er gist í tvær nætur á 4* með morgunmat. Bangkok er ótrúleg borg svo það er tilvalið að nýta tímann og kanna sem mest af henni áður en þið haldið aftur heim á leið.

ATH - Þetta er ferðatillaga sem við höfum sett saman. Þú getur bókað nákvæmlega þessa ferð eða við getum sérsniðið fyrir ykkur ferðina sem hópurinn vill fara í. Engar fastar brottfaradagsetningar, þið ákveðið hvenær þið viljið fara (gott er að hafa í huga verð getur hækkað yfir háannatíma eins og jól og páska).