Eyjahopp á Suður-Tælandi

Ferðin

Flogið verður með tveimur stoppum til Krabi á Suður-Tælandi, þar sem fyrstu fimm dögunum verður varið á fjögurra stjörnu hóteli við ströndina. Þar getið þið gert allt sem ykkur lystir - nudd á hverjum degi, hoppað yfir á nærliggjandi eyjar, klifrað í klettunum við ströndina, kannað næturlífið og verið viss um að missa ekki af sólsetrinu!

Á eftir Krabi tekur við eyjan Koh Phi Phi þar sem þið verðið næstu þrjá daga á lúxus resorti á besta stað. Þar er tilvalið að snorkla í sjónum, heimsækja Maya Bay, skoða eyjuna á vespu og njóttu lúxuslífsins því næstu tvær nætur á eftir verða heldur betur öðruvísi upplifun.

Síðustu dagar ferðarinnar verða á ströndum Phuket á fjögurra stjörnu hóteli eða einkavillu - hópurinn ákveður það. Sleikið sólina, borðið allt of mikið af Pad Thai og fylgist með næturlífinu kvikna seinnipartinn. Flogið verður heim frá Phuket með tveimur stoppum, en ykkur mun örugglega langa að koma til Tælands aftur áður en þið eruð lent á klakanum!