Fyrirtækjaferð til Barcelona/Sitges

Barcelona er borg sem aldrei sefur. Þar er andrúmsloftið samt sem áður afslappað og ekkert til sem heitir stress. Þú sérð konur njóta kvöldsólarinnar með vínglas í hönd, eldri karla sitja á bar og rífast um fótbolta, börn leika sér á hlaupahjólum, unga stráka spila á gítar í garðinum og hópa af ungu fólki sitja á torgum og njóta sólarinnar. Um 30 mín sunnan við Barcelona er einn líflegasti strandbær Spánar Sitges. Bærinn liggur meðfram fallegri strandlengju með göngugötu og einkennist miðbærinn af litlum þröngum götum sem iða af lífi. Flogið er til Barcelona en við hjálpum ykkur að finna og bóka hagstæð flug fyrir hópinn. Þegar þangað er komið er hópnum skutlað á 4* hótel á besta stað. Á hótelinu er morgunverður innifalinn. Í Barcelóna getum við síðan aðstoðað hópinn við að bóka skoðunarferðir um borgina, bóka borð á flottum veitingastöðum eða hvað annað sem hópurinn kann að þarfnast. Þegar ferðinni er lokið er hópnum síðan skutlað aftur frá hótelinu og upp á flugvöll.