Kíktu á vinsælustu kynningarnar frá ferðahátíðinni okkar 2020
Okkar allra fyrsta ferðahátíð er nú yfirstaðin og þvílík snilld sem þetta hefur verið. Að sjálfsögðu verðum við að þakka ykkur fyrir það. Án ykkar áhuga, ábendinga og umfram allt, óendanlegri ferðaþrá, hefði þetta ekki getað gerst. Þannig fyrst og fremst, þúsund þakkir til ykkar allra. Sem betur ferð þarf þetta ekki að enda hér.
Fyrir þau ykkar sem fáið einfaldlega ekki nóg af ferðahátíðinni, eða þau ykkar sem misstuð af spjöllum, höfum við tekið saman topp 10 lista af fjölsóttustu ferðafundunum. Á þennan hátt getið þið haldið áfram að láta ykkur dreyma, hlúa að ferðalönguninni og taka jafnvel næsta skref: að skipuleggja ferð. Munið að við erum til staðar til að svara öllum ykkar spurningum og fyrirspurnum.
How to go Digital Nomad 101
Hlustaðu á tvo þaulreyna Digital Nomads, þau Maja Grønholdt frá Danmörku og Sam Van den Haute frá Belgíu. Þessir ferðalangar eru Digital Nomads af hjarta og sál og ræða af ástríðu hvað þarf til að verða einn sjálf/ur. Þau tala líka um hvernig það er að vera í fullu starfi við að ferðast, hvernig þú finnur störf þar sem þú ert og að sjálfsögðu hversu mikinn pening þarf til að komast af. Skyldu hlustun fyrir alla sem vilja skilja við 8-4 vinnuna og ferðast stöðugt.
Why Solo Travel is Good for You!
Benedikt Benediktsson, ferðaráðgjafi okkar, fór í sína fyrstu ferð einsamall þegar hann var aðeins 13 ára gamall og varð samstundis ástfanginn af því. Þú finnur ekki betri manneskju til að fara yfir alla helstu kosti þess að ferðast einn. Benedikt svarar öllum helstu spurningum um sóló ferðalög. Hvert er best að fara? Hvernig hámarkar maður persónulegan vöxt við það að ferðast sóló? Hvernig undirbýrðu þig fyrir þína fyrstu sóló ferð? Og margt fleira. Ef þú ætlar þér eða hefur vilja til að hætta þér út á eigin vegum, þá er þetta skyldu áhorf!
The Interrail Comeback
Nadine Koszler, markaðsstjóri Eurail, heldur þessa frábæru kynningu. "Hæg ferðalög" eru að verða sívinsælli og besta leiðin til þess að ferðast hægt er með lest. Nadine fer yfir allar bestu Interrail leiðirnar í Evrópu og fræðir um það hvers vegna þú ættir að íhuga að ferðast með lest í næsta ferðalagi þínu. Ekki missa af þessu nýja ferðatrendi!
Visiting Every Country Without Flying
Thor Pederson er danskur „ferðaceleb“ og er vel þekktur fyrir "Once Upon a Saga" verkefnið sitt. Þetta hefur í för með sér að ferðast um heiminn án þess að setjast upp í eina einustu flugvél. Hann fjallar um sitt ferðalag í kringum heiminn (sem er enn þá í gangi), segir frá sínum uppáhalds áfangastöðum, stærstu lexíur sem hann hefur lært og umfram allt, hvers vegna hann forðast það að ferðast um háloftin.
How to Plan Your Round the World Trip
Eftir þetta ár getum við rétt ímyndað okkur hversu mikið þú vilt ferðast! Þessi kynning er fyrir alla sem dreymir um að fara í heimsreisu. Þú kemst að því hvaða áfangastaðir ættu að koma til greina, hvaða ferðamáta þú getur nýtt þér, hversu mikinn pening þú þarft og hvernig heimsreisu-flugmiðar virka. Hlustaðu á Daniel Møllebjerg, sem hefur ferðast til allra heimsálfanna (nema Suðurskautslandsins) og er uppfullur af góðum ráðum!
Destinations Uncharted - Must Visit Destinations in 2021
Í dag er mjög erfitt að finna áfangastað þar sem áhrif ferðamannaiðnaðarins hafa ekki haft áhrif á öll svið samfélagsins. Aftur á móti, þá eru þessir áfangastaðir enn þá til, þú þarft bara að leita að þeim! Að leita vel er vinnan hans Asger Michelsen sem er ferðaráðgjafi hjá KILROY. Ekki missa af frábæru ráðum hans um mest spennandi áfangastaðina sem eru fullkomnir fyrir þá sem vilja ekta óspillta ferðaupplifun árið 2021.
Wonders of Central and South America
Margir ímynda sér paradís á jörðu þegar þeim dreymir um Mið- og Suður-Ameríku. Í rauninni er það ekki svo fjarri sannleikanum. Anssi Tapola er ferðasérfræðingur KILROY frá Finnlandi og reyndur ferðalangur á þessu svæði. Eftir að hafa varið tveimur árum á þó nokkrum stöðum þar er Anssi spenntur fyrir að veita ráðleggingar um þær leiðir og ferðir sem hann mælir með, tala um hans fullkomna ferðalag og hans uppáhalds upplifanir sem eru úr alfaraleið.
Travelling Post COVID-19
Vonandi munum við á sama tíma á næsta ári, aðeins vera vör við Corona á ströndinni… í flosku… í vökvaformi. En hvernig ferðumst við þá? Verður öruggt að ferðast? Hvert verður hægt að fara? Alla þessar spurningar standa eftir, en Amanda Dunning er með svörin. Sem G-Adventures samstarfsaðilastjórnandi er hún sérfræðingur í öllu tengdu ferðalögum á COVID tímum þannig horfðu á þessa kynningu ef þú vilt fá hennar sérþekkingarráð.
Vanlife: The Ultimate Road Trips in a Campervan
Michel ter Borg varð háður húsbílaferðalögum í sinni heimsreisu. Síðan þá hefur hann ferðast um Nýja-Sjáland, Bandaríkin og Kanada, allt á húsbíl. Hlustaðu á hann segja meðal annars frá sínum uppáhalds áfangastöðum og hans bestu upplifunum í húsbíl. Þessi kynning er fullkomin undirbúningur áður en þú sest undir stýrið.
Sustainable and Responsible Tourism: A Panel Debate
Hér finnur þú samansafn af sérfræðingum á þessu sviði sem munu ræða hvað sjálfbær ferðaþjónusta þýðir, veita góð ráð um hvernig þú getur ferðast á sjálfbærari hátt, upplýsa þig um hvernig þú getur lágmarkað ferðafótsporið og margt fleira. Þú ættir bókað að horfa á þessa pallborðsumræðu ef þér er mjög annt um þennan heim sem þú ferðast um.