{{ section.name }} Þjónustuver

Við fundum eftirfarandi {{ category.count + ' ' + (category.count == 1? category.label:category.pluralLabel) }} og {{ category.count + ' ' + (category.count == 1? category.label:category.pluralLabel) }} fyrir '{{ searchTerm }}'

0 Results found

{{ section.name }} Þjónustuver
Leitaðu að áfangastöðum eða að því sem þú vilt gera...

Við fundum eftirfarandi {{ category.count + ' ' + (category.count == 1? category.label:category.pluralLabel) }} og {{ category.count + ' ' + (category.count == 1? category.label:category.pluralLabel) }} fyrir '{{ searchTerm }}'

0 Results found

Finnur þú ekki það sem þú ert að leita að?

Við höfum ferðast um allan heimin og erum því sérfræðingar þegar kemur að ferðalögum. Hafðu samband við okkur og við aðstoðum þig við að skipuleggja draumaferðina þína.

Hvernig getur þú gerst Digital Nomad!

how to go digital nomad

Ertu forvitinn að vita hvernig lífið væri sem sem Digital Nomad?

Hvað er þá betra en að fá ráð frá tveimur manneskjum sem vita nákvæmlega um hvað þær eru að tala og hafa látið drauma sína um að vera Digital Nomads rætast. Við spjölluðum við tvo aðila sem hentu sér út í djúpu laugina, sögðu skilið við öryggi hversdagsleikans, leyfðu ástríðu sinni að leiða sig á vit nýrra ævintýra og gerðust digital nomads.

Tilbúin/n fyrir líf án skuldbindinga?

Stærsta stökkið þegar kemur að því að gerast Digital Nomad felst í því stóra skrefi að stíga út fyrir þægindarammann, að kveðja örugga 8-4 starfið og yfirgefa heimilið sitt.

Það þarf hugrekki til að fara þá leið og yfirleitt er það nákvæmlega það sem heldur aftur af mörgum þegar kemur að því að láta drauma sína rætast.

 data-udi=

Við spjölluðum við tvo einstaklinga sem tóku þetta erfiða skref og sögðu skilið við sitt hversdagslega líf til þess að láta drauma sína rætast sem Digital Nomads.

Ævintýramanneskjan frá Danmörku, Maja Grønholdt, segir frá því hvernig hún og kærastinn hennar ákváðu að taka þá erfiðu ákvörðun að snúa baki við hefðbundum vinnuferli sínum og öryggi heimalandsins.

"Fyrir mér snerist þetta allt um frelsi. Ég hafði starfað sem blaðamaður í tvö ár og starfið var mjög streituvaldandi þar sem ég þurfti að vinna nótt sem dag. Ég var að leita mér að starfi þar sem ég gæti verið hamingjusöm og átt meiri tíma með kærastanum mínum og vinum. Í upphafi sagði ég engum frá því hvað ég hafði raunverulega í huga en ég sagði að ég væri búin að safna mér pening og ætlaði að ferðast um tíma en eftir nokkra mánuði fann ég að þetta var eitthvað sem ég vildi virkilega gera."

Sam Van Haute, belgískur Digital Nomad, er sammála henni. Hann þurfti að taka sömu erfiðu ákvörðun, en hann kynntist þessum lífsstí fyrr á lífsleiðinni.

"Þetta gerðist frekar náttúrulega hjá mér. Ég kláraði menntaskóla og vissi ekki hvað ég vildi gera og endaði á því að flytja til Hollands í heilt ár. Eftir það hafði ég enn ekki hugmynd um hvað ég vildi gera svo ég flutti til Los Angeles í tvö ár en vandamálið var að ég gat ekki unnið þar því ég var ekki með vinnuleyfi. Það vildi svo heppilega til að bróðir minn hafði starfað við SEO-vinnu lengi (search engine optimization/digital marketing) og hann kenndi mér grunnhugtökin og ég vann út frá því. Áður en ég vissi af var ég komin í full starf en gat unnið frá hvaða stað sem er í heiminum."

Hvernig á að taka fyrsta skrefið og finna launað starf?

Þó það hljómi dásamlega að vinna fjarvinnu frá framandi strönd á hinum enda heimsins þá er ekkert gefið í þessum málum. Annaðhvort verður þú að verða með góða tengiliði sem geta aðstoðað þig eða þú þarft vera mjög drifinn við að kynnast fólki.

"Að mynd gott tenglsanet er lykilinn. Ég var með mjög stórt tenglsanet frá því að hafa starfað sem blaðamaður en það krefst samt sem áður þess að þú sért opin/n og látir aðra vita hvað þú ert að gera t.d. í gegnum Facebook eða Linkedln. Í hreinskilni þá þoldi ég það ekki fyrst en í hvert skipti sem ég setti upp Facebook færslu fékk ég nýja viðskiptavini. Það hjálpaði mér líka að láta vini mína vita hvað ég væri að gera og svo myndu þeir segja vinum sínum o.s.frv. Áður en þú veist af ertu komin með stóran viðskiptavinahóp" segir Maja.

Þó að þetta virðist vera eðlilegri leið þá er hægt að nálgast þetta á annan hátt, útskýrir Sam.

"Ég gerði þetta öðruvísi en ég hef aðallega verið að selja vörur fyrir aðra tengdar ferðalögum og fæ svo þóknun fyrir það. Það er ein leið til að gera þetta en til þess þarftu að vera búin/n að safna nógu mörgum fylgjendum sem skoða bloggið þitt og það getur tekið langan tíma. Það tók mig næstum þrjú ár að ná á þann stað þar sem ég gat kallað það fulla vinnu. Eftir það byrjuðu verkefnin koma til mín sem síðan síðar þróaðist út í það að ég fór að starfa með ferðastofnunum og -fyrirtækjum. En auðvitað er tengslanetið mjög mikilvægt í upphafi."

Þarftu að vera búin að safna miklu áður en þú gerist Digital Nomad?

Þetta er mjög algeng spurning. Hversu mikinn pening þarftu og hvernig getur þú gert sem mest úr peningnum þínum, sérstaklega í byrjun? Er eitthvað sem þú verður að hafa skipulagt fyrirfram?

"Ég átti einhvern sparnað og þegar ég var ekki að þéna nóg tók ég við litlum verkefnum inn á milli. Þá sá ég um litlar vefsíður sem sáu mér fyrir smá innkomu. Þetta er í rauninni samblanda af báðu en ef þú vilt gerast Digital Nomad mæli ég með því að þú eigir smá sparnað eða sért með aukavinnu sem þú getur unnið inn á milli" segir Sam.

Það kemur ekki á óvart að Maja er algjörlega sammála honum!

"Þetta er einmitt eitt af bestu ráðunum mínum. Vertu búin að safna pening áður en þú leggur af stað! Ég og kærastinn minn lögðum af stað með 1,8 milljónir samanlagt sem er kannski ekki mikið til lengri tíma litið en þannig gátum við sniðið planið okkar og séð hversu lengi við gætum lifað í Suð-Austur Asíu fyrir þennan pening. En þar sem við byrjuðum að vinna í upphafi ferðalagsins okkar áttum við fullt afgangs og gátum nýtt það í frekari ævintýri. Með því að leggja af stað með sparnað kemur þú líka í veg fyrir peningaáhyggjur og kvíða. Þegar allt kemur til alls, þá ertu ekki að breyta um lífsstíl til að auka stress í lífinu þínu heldur til að slaka á og vera í þínu "zen-i". Svo ekki gleyma að safna!" bætir Maja við.

Er það þess virði að gerast Digital Nomad?

Það er líklega ekki til eitt rétt svar við þessari spurningu, því þegar allt kemur til alls þá ræðst það algjörlega af því hver þú ert. Lífið er ekki allt dans á rósum þegar það kemur að því að vera í fjarvinnu og það geta komið upp erfiðir tímar. En þegar við spurðum þau hvað þeim fannst persónulega, þá var augljóst að góðu hlutirnar vógu þyngra en þeir slæmu. Sam segir frá:

"Enn og aftur, hjá mér þá snýst þetta um frelsið. Þú getur valið hvenær þú vinnur, hvaðan þú vinnur og hversu mikla vinnu þú vilt taka að þér og þegar þetta allt er samanlagt ertu með draumastarfið! Ég geri mér grein fyrir því hvað ég er heppin að hafa náð að gera þetta að fullu starfi en ég vil samt taka fram að það geta líka verið ókostir við þennan lífsstíl. Í upphafi þarft þú að finna nýja vinnu sem getur verið streituvaldandi og þreytandi. Það að vita aldrei nákvæmlega hvað þú færð útborgað hvern mánuðinn og sérstaklega núna eftir að heimsfaraldurinn skall á. En þrátt fyrir það þá skiptir frelsið mig það miklu máli að ég myndi ekki skipta því út fyrir neitt. Að hugsa til þess að ég hafi búið og starfað í Filippseyjum fyrir nokkrum árum síðan og í framtíðinni stefni ég á að búa í Madrid eða Berlín, en ekkert af þessu væri möguleiki fyrir mig í venjulegu starfi. Ég ég get ekki lagt nógu mikla áherslu á hversu mikið slíkt frelsi gefur mér."

Maja er sammála og telur frelsið vera eitt lykilatriðið í því að velja slíkan lífsstíl.

"Frelsið er lykilatriði. Þú getur unnið hvar sem er í heiminum, eina sem þú þarft er fartölva og gott internet. Þessa sex mánuði sem við höfum iðkað þennan lífsstíl höfum við sest að á Balí en líka heimsótt staði eins og Sri Lanka, Indland, Malasíu, Taíland og fullt af öðrum indónesískum eyjum en maður upplifir svo ótrúlega mikið á svo stuttum tíma sem er dásamlegt."

Vera stöðugt á ferðalagi eða hafa aðsetur á einum stað?

Þegar þú velur að vera Digital Nomad, þá snýst það um að ferðast sem mest, ekki satt? Ekki endilega. Það að hafa aðsetur á einum stað getur haft mikla kosti í för með sér samkvæmt sérfræðingunum.

"Ég vil hafa aðsetur á einum stað af því að mér finnst ég koma meiru í verk þannig. Og án þess að hljóma eins og ég sé of góðu vön, þá held ég að ef maður ferðast of mikið á of stuttum tíma þá fái maður fljótt leið á því og verði þreyttur á lífsstílnum mun fyrr" útskýrir Sam.

Maja er sammála og tekur undir:

"Ég nýt þess að ferðast rólega yfir en í lok síðasta árs enduðum við á að ferðast of mikið og gistum í aðeins 1-2 nætur á hverjum stað. Sem er frábært ef þú ert aðeins að ferðast en ef þú þarft að vinna með því getur það orðið töluvert þreytandi. Út frá því höfum við ákveðið að hægja aðeins á okkur og ætlum okkur að dvelja í Portúgal í einn og hálfan mánuð og sjá svo hvað gerist. Málið er að við erum með FOMO (fear of missing out) á háu stigi en það er gríðarlega mikilvægt að átta sig á því að maður getur ekki séð allt á einni viku þegar markmið þitt er að ferðast OG að vinna á sama tíma."

Hvar á ég að byrja og hvernig er best að tækla erfiða tíma?

Eins og minnst var á áður, það koma alltaf upp erfiðir tímar og þú munt efast um lífsstílinn og tilganginn með þessu öllu saman. Það kemur fyrir alla. Efasemdirnar geta læðst aftan að þér þegar þig hefur vantað verkefni í lengri tíma, þegar þú saknar vina og fjölskyldu eða þegar lífið í fjarlægum löndum fer alveg með þig.

"Það eru að sjálfsögðu einhverjir ókostir. Án efa. En fyrir mér eru það kostirnir sem vega meira. Praktísk atriði eins og að finna góða internet tengingu getur verið þrautinni þyngri, sérstaklega t.d. í Indlandi. Við eyddum heilu dögunum í að finna ágætis internet tengingu og ofan á það varð ég veik. Það að vera sárlasin með ekkert internet, búið að hakka símann þinn og lokaskil á verkefninu þínu að nálgast lét mig langa til að vera helst upp í rúminu mínu heima í Danmörku. En ætli þetta sé ekki líka partur af því að ferðast.."

Sam bætir við:

"Mín mesta hindrun er að þú þarft stöðugt að vera kynnast nýju fólki og búa til nýjar tengingar en á sama tíma halda sambandi við fólkið heima. Þegar maður dvelur lengi á sama stað eins síns liðs hefur maður að sjálfsöðu þörf fyrir að tengjast öðru fólki. Satt best að segja, þá veistu innst inni að þegar þú kynnist nýrri manneskju á ákveðnum stað að þú munt líklega aldrei hitta hana aftur eftir að leiðir skiljast. Annar ókostur er að vera stöðugt í sambandi við heimalandið og heimsækja mismunandi sendiráð til að þú sért örugglega með rétta vegabréfsáritun til að mega dvelja í landinu til lengri tíma. Það hjálpar reyndar mjög mikið að vera með Evrópskt vegabréf."

 

Afhverju að velja að vera Digital Nomad erlendis frekar en í heimalandinu?

Einfalda svarið væri að sjálfsögðu það að leita nýrra ævintýra, kynnast nýjum menningarheimum og að stíga út fyrir þægindarammann. En það veltur auðvitað líka á því hvers konar týpa þú ert.

”Ég er mjög forvitin að eðlisfari og ég finn hvað það hefur góð áhrif á mig að vera þar sem sólin skín. Að sjálfsögðu sakna ég vina og fjölskyldu en ég veit að þau verða alltaf þarna. Ég á það til að fá fljótt leið á aðstæðum og er því alltaf jafn spennt að leita nýrra ævintýra” segir Maja og Sam tekur undir.

“Ég elska að vera í kringum vini mína og fjölskyldu en ég hef alltaf haft þessa tilfinningu eins og ég eigi að kanna nýjar slóðir, uppgvöta nýja hluti og upplifa hvernig er að búa á nýjum stöðum. Já, það getur verið erfitt að vera stöðugt að kynnast nýju fólki en það er ekki jafn erfitt og það er gaman að prófa að búa erlendis. Ætli það sé ekki mismunandi á milli fólks en þegar allt kemur til alls verður þú að finna það sjálf/ur” útskýrir Sam.

Líklega áttu eftir að spyrja þig næst, hvert ætti ég eiginlega að fara? Heimurinn er þinn leikvangur og í rauninni er allt í boði. Það er þó staðreynd að sum lönd henta betur en önnur þegar kemur að Digital Nomad lífsstílnum. En í hvaða löndum finnur þú finnur gott internet, auðfengin visa og getur hitt ferðlanga sem eru í svipuðum hugleiðingum?

Maja á augljóslega sín uppáhaldssvæði:

“Ég hef aðallega ferðast um Suð-Austur Asíu enn sem komið er og ég held að flestir Digital Nomads myndu segja Balí, því það gengur allt svo smurt fyrir sig þar. Það er auðvelt að finna gott WIFi, það er auðvelt að kynnast nýju fólki, falleg náttúra, þú getur ferðast um allt á vespu, nóg af góðum mat og síðast en ekki síst þá er Balí mjög örugg. Ef þú ert síðan til í að gista í lókal heimagistingum þá getur þú komist upp með að lifa mjög ódýrt.”

Fyrir Sam er Asía ekki eini staðurinn sem kemur upp þegar hann hugsar um besta mögulega staðinn.

“Að sjálfsögðu er Asía frábær fyrir Digital Nomads en ég vil líka undirstika að Ástralía og Nýja-Sjáland eru líka lönd sem bjóða upp á góða internet tengingu, náttúrufegurð og nóg af upplifunum. Jafnvel á einangruðustu stöðunum getur þú fundið ýmis konar tækifæri hvort sem það sé að finna nýja vinnu eða vera í fjarvinnu úr tölvunni. Evrópa er reyndar frábær staður sem fólk á það til að gleyma. Sérstaklega ef þú ert frá Evrópu þá getur þú ferðast auðveldlega á milli landa, þú þarft engar vegabréfsáritanir, internetið er frábært og þú getur fundið vinnu auðveldlega. Evrópa er líklega uppáhalds staðurinn minn til að starfa sem Digital Nomad en ég trúi því að þú getir fundið gott internet næstum allstaðar, svo ég myndi ekki einblína of mikið á það."

Hvernig er dagur í lífi Digital Nomad?

Fyrir mörg okkar getur það verið erfitt að ímynda sér hvernig hversdagsleikinn lítur út þegar þú starfar sem Digital Nomad. Ertu í náttötunum allan daginn eða ertu í co-working rými allan daginn?

Það fer eftir markmiðum dagsins að mati Möju:

“Þegar við erum að ferðast þá gerum við það sama og allir aðrir, þá meina ég gönguferðir, skoðunarferðir, surfa o.s.frv. en ef við erum í lengri tíma á einum stað líkt og við gerðum á Balí, þá vinnum við vanalega þrjá fulla daga og nýtum restina af vikunni í að gera eitthvað skemmtilegt. Dagana sem við erum að vinna finnum við næs kaffihús eða hugglega heimagistingu með góðri internet tengingu. Það góða við að vera í heimagistingu er að þú getur eytt hádegishléinu þínu við sundlaugina eða farið að surfa. Co-working rými gætu verið möguleiki í framtíðinni en við ákváðum að vera ekki að eyða of miklum peningum í það enn sem komið er. Í heildina litið þá er ég að vinna mun minna en ég myndi gera í “venjulegri” vinnu en það þýðir auðvitað minna útborgað, en peningar eru ekki það sem skiptir mig mestu máli.”

Þetta hljómar eins og draumur en Sam er með aðeins öðruvísi rútínu:

“Í heildina litið, þá er ég ekki með fasta vinnutíma. Þegar ég er heima í Belgíu á ég það til að vinna langa daga en vinn svo styttra þegar ég er erlendis, því ég reyni að nýta tímann til að njóta þegar ég er ekki heima. Ég get auðveldlega unnið frá níu á morgnanna til níu á kvöldin þegar ég er heima en ég upplifi það ekki sem venjulega vinnu, því ég elska að vinna öll þessi litlu verkefni. Allt það er inn í skipulaginu mínu en þetta er samt ekki eins og 8-4 starf, ég nýt mikils frelsis en á sama tíma fylgir því mikil ábyrgð” segir hann.

Hver eru þá bestu ráðin sem þið getið gefið þeim sem vill gerast Digital Nomad?

Hér er smá samantekt og bestu 7 ráðin ef þig dreymir um þennan lífsstíl:

  1. Vertu með góðan ferðasjóð og gerðu fjárhagsáætlun! Óspennandi en mjög mikilvægt.
  2. Haltu þig við fjárhagsáætlunina! Það er mjög auðvelt að eyða meiri pening en maður ætlaði, svo passaðu þig á því. Þú getur nýtt þér app eins og Daily Budget til að hafa yfirsýn yfir hversu miklu þú ert að eyða.
  3. Vertu samkvæm/ur sjálfri/sjálfum þér (og ferðasjóðnum!) um hvers konar ferðalangur þú ert. Þú ert líklega að fara ferðast í langan tíma svo það gefst ekki mikið rými til að vera eyða umfram fjárhagsáætlun þína.
  4. Vertu viss um að þú sért með öll praktístk atriði á hreinu eins og vegabréfsáritanir, bólusetningar og sjúkratryggingar.
  5. Ekki vera með of miklar væntingar í upphafi. Þú ert ekki að fara vera rík/ur á einu augnabliki.
  6. Gakktu alltaf úr skugga um að þú sért að hafa gaman og sért að njóta þín, það er megin ástæðan fyrir því að þú ákvaðst að gerast digital nomad, ekki satt?
  7. Farðu þín eigin leið! Ekki reyna að gera nákvæmlega það sama og aðrir, þar sem þeirra lífsstíll er ekki endilega það sem myndi henta þér. Það mun koma að því að þú finnur þína eigin leið.

Ef þú vilt horfa á allt spjallið okkar bið Maju og Sam getur þú séð hann hér. Ef þú hefur ekki skráð þig þá gerir þú það og færð strax aðgang að fyrirlestrinum. Það tekur aðeins um 30 sekúndur, við lofum.

Ef þú vilt fylgjast ævintýrum Maju og Sam, þá getur þú fundið þau á Instagram hér:

@majagronholdt

@checkoutsam

alt

Hannaðu þína eigin ferð

Vilt þú ferðast um heiminn á þinn eigin hátt? Svona gerir þú það:

  1. Þú setur upp draumaferðina þína.
  2. Við finnum bestu og hagstæðustu valmöguleikana.
  3. Þú færð persónulegt mat ferðasérfræðings.

Við sjáum til þess að ferðaplanið þitt sé ekki út í hött og að þú fáir sem mest út úr peningnum þínum er við deilum okkar ferðareynslu. Þetta er þér allt að kostnaðarlausu og því fylgir engin skuldbinding!

Byrjaðu að hanna þína ferð

Kilroy.OutdatedBrowserBox.Text Kilroy.OutdatedBrowserBox.LinkText

Úbbs - Síðan sem þú reyndir að opna er ekki til. Við vonum að þú finnir það sem þú ert að leita að hér.