Hvaða ferðatýpa ert þú?
Það er mjög líklegt að þú hefur eða átt eftir að hitta einhverjar af eftirfarandi týpum á ferðalagi þínu um heiminn. Það getur verið á hostelinu, í ævintýraferðinni, í surfskólanum, í fluginu, á ströndinni eða jafnvel miðjum frumskóginum! En hvaða týpa ert þú?
1. Frjálsa týpan
Þetta er týpan sem elskar að ferðast ein og stjórna ferðinni - hún fylgir vindátt dagsins! Þú átt líklega eftir að hitta hana eina upp á fjallstindi, í afskekktu þorpi eða ráfandi um markaðinn. Hún lifir í núinu og breytir ferðaplani sínu reglulega.
2. Leiðsögumaðurinn
Þetta er týpan sem þarf að hafa stjórn á öllu og veit allt um ferðafélagana sína. Mikilvægasti hluturinn hennar á ferðalaginu er mappa með útprentuðum upplýsingum um flug, afrit af vegabréfum og lista yfir upplýsingar um tengiliði allra - svona til öryggis ef eitthvað skyldi koma upp á.
3. Jóakim Aðalönd
Þessi týpa hugsar aðallega í krónum, evrum, dollurum eða þeim gjaldmiðli sem er notaður hverju sinni. Hún er hún snillingur í að finna allskonar afslættir og ódýr flug ásamt því að vera líklega sú eina sem þarf ekki að hringja heim til að fá smá auka lán.
4. Hvatvísa týpan
Hún ákvað mjög skyndilega að skella sér í ferðalag og hafði því ekki mikinn tíma til að skipuleggja reisuna. Hún virðist stundum vera svolítið ringluð og ekki alltaf viss um hvert hún ætlar næst. Hún vill upplifa sem mest og því sjaldan sem hún neitar nýjum ævintýrum. Hún á það til að gleyma sér stundum og týna mikilvægum hlutum eins og veskinu og vegabréfinu en á einhvern ótrúlegan hátt þá finnast þeir alltaf aftur.
5. Matgæðingurinn
Þessi týpa velur áfangastaðina eftir matargerðinni. Hún veit allt um matargerð heimamanna - hverjir eru þjóðarréttirnir sem og aðrar minna þekktar matarupplifanir í landinu. Hún lætur engar ferðamannagildrur, sem innihalda matarupplifun, plata sig. Það eru bragðlaukarnir sem stjórna ferðalaginu.
6. Vængmaðurinn
Þessi týpa er einhleyp og hefur einstaklega gott auga fyrir næsta mögulega daðri en af einhverjum ástæðum þá endar hún alltaf sem vængmaður vina sinna. Hún kynnist ótrúlega mörgum öðrum bakpokaferðalöngum en þú átt líklega aldrei eftir að sjá hana byrja daginn á því að koma sér aftur upp á hostelið sitt.
7. Adrenalín fíkillinn
Adrenalín fíkillinn laðast að þeim afþreyingum sem fær hjartað til að slá hraðar. Þetta er týpan sem tekur áhættu og elskar að stíga út fyrir þægindarammann. Hún segir næstum aldrei nei við áskorunum og er að auki einstaklega góð í að fá aðra með sér í adrenalínfull ævintýri.
8. Ljósmyndarinn
Ef hið fullkomna ljósmyndunar tækifæri kemur upp þá þurfa ferðafélagarnir að bíða - LENGI! Ljósmyndarinn er alltaf til í að fórna öllu fyrir hina fullkomnu ljósmynd, ekkert mál að bíða í nokkrar klukkustundir til að fá rétta ljósið. Hann á ekki eftir að yfirgefa ströndina, fjallstindinn eða þjóðgarðinn áður en hann nær hinni fullkomnu ljósmynd.
9. Menninga nördinn
Þessi týpa þarf engar ferðabækur eða ferðaráð þar sem hún hefur nú þegar lesið allt fyrir ferðalagið. Hún er sú sem vaknar fyrir sólarupprás til að vera örugg um að missa ekki af neinum menningarupplifunum. Dagskráin hennar er þétt og átt þú líklega eftir að þakka henni seinna!
10. Naumhyggju týpan
Móttó hennar er „ef það er ekki pláss í bakpokanaum þá þarf ég það ekki”. Hún kemst auðveldlega af með aðeins tvær buxur og tvo boli. Er svo ekki bara nóg að taka 10 myndir á tveggja mánaða ferðalagi um Asíu? Þetta er týpan sem safnar upplifunum og minningum og er með gífurlegt ofnæmi fyrir snertanlegum hlutum.
