Ef þú gerir það ekki heima hjá þér, ættir þú ekki að gera það annarstaðar
Það er mikilvægt að aðlagast löndunum sem maður ferðast til þegar maður er bakpokaferðalangur. Heimurinn er myndaður af mismunandi menningarheimum sem þýðir að allir hafa mismunandi hefðir og venjur. Það er það sem gerir ferðalög svo stórkostleg. Hins vegar þarf að huga að mörgum hlutum þegar kemur að því að ferðast til nýrra landa. Hvað skal gera, hvað skal ekki gera sem bakpokaferðalangur? En ekki hafa áhyggjur hér höfum við tekið saman okkar bestu punkta. Lestu yfir þá og komdu síðan til okkar í fría ferðaráðgjöf og við hjálpum þér að skipuleggja næsta ævintýrið þitt.
Fá fría ferðaráðgjöf
Vertu almennilegur
Sama hversu svangur/svöng þú ert, sama hversu stressaður/stressuð þú ert um að ná fluginu þínu, þá er aldrei góð hugmynd að láta aðra finna fyrir streitunni þinni. Við erum öll fólk og það skiptir ekki máli hvort þú vinnur við innritunina á flugvellinum eða í afgreislunni á hostelinu, það er mikilvægt að vera almennilegur. Svo vertu góð/ur og ferðin þín verður 100% betri.
Gefðu dýrunum nóg pláss
Allir dýravinir takið eftir! Þau eru kannski mjúk, sæt og brjálæðislega kúl, en alveg eins og þú þurfa dýrin sitt persónulega rými. Þú getur fylgst með dýrunum úr fjarlægð án þess að trufla þau. Það er aldrei þess virði að raska ró dýranna fyrir fullkomna selfie.
Vertu þolinmóð/ur
Sumir labba hægar en þú, aðrir hraðar. Sumir vilja fara í raðir, aðrir ekki. Við getum lofað þér því að það verður reynt á þolinmæðina þína á meðan þú ferðast. En þá er best að anda rólega og sætta sig við að svona er þetta bara í landinu sem þú ert að heimsækja. Reyndu að hugsa frekar um hvað þú ert heppin/n að hafa tök á því að ferðast þangað.
Ekki koma fram við fólk eins og þau séu aðdráttarafl
Við vitum að myndir eru miklu flottari þegar að fólk er inn á þeim. En hvernig myndi þér líða ef það yrði tekin mynd af þér án þess að þú vissir það og hún síðan birt á samfélagsmiðlum? Ekkert brjálæðislega spennandi er það nokkuð? Það er því best að spyrja fólk hvort það sé í lagi að þú takir mynd af því. Oftast segir fólk já.
Vertu umburðarlynd/ur
Skildu alla fordóma eftir heima. Að ferðast snýst um að hitta nýtt fólk og kanna aðra menningarheima en þú ert vanur/vön. Í staðin fyrir að efast um eitthvað skaltu vera umburðarlynd/ur og reyna að læra um siði og skoðanir einstaklinga.
Klæddu þig eftir hefðum
Áður en þú leggur af stað skaltu komast að því hvernig klæðaburðurinn er í landinu sem þú ert að fara til. Hvort sem það þýðir að þú munt þurfa að klæðast síðum buxum í 35 stiga hita eða ekki þá er mikilvægt að klæða sig samkvæmt hefðum landsins til að sýna virðingu.
Lærðu siðina
Það er hægt að falla í margar gryfjur þegar þú ferðast en með því að kynna þér staðinn áður en þú ferð getur þú forðast það. Má drekka áfengi eða ekki? Heilsaru með handabandi eða kossi á kinnina? Með því að hafa ágæta hugmynd um siði landsins líður þér og öllum í kringum þig betur.
Kynntu þér tungumálið
Ef þú þekkir ekki þegar tungumál landsins sem þú ert að ferðast til þá er mjög sniðug hugmynd að kynna sér nokkra algenga frasa. Það hjálpar að geta heilsað eða sagt takk á tungumálinu.
