Ekki 2020, en kannski 2021!
Við misstum af því að fara í draumaferðina 2020 en það þýðir ekki að maður eigi að gefast upp á drauminum. Vonandi verður 2021 betra ár þegar kemur að ferðalögum og þess vegna bjóðum við upp á 'Bókaðu áhyggjulaus' valmöguleikann okkar! Þá geturu bókað draumaferðina núna og borgað seinna þar sem innborgunin er sveigjanleg og það er ekkert breytingar- eða afbókunargjald.
Við höldum í vonina að við getum ferðast frjálsari á næsta ári og því tókum við saman nokkrar frábærar ferðir sem vert er að skoða fyrir 2021. Því miður eru þetta aðeins draumórar núna en ef við fáum draumana uppfyllt þá eru þessar ferðir fullkomnar!
Fá fría ferðaráðgjöf
Heimsreisa - Sögunördinn
Ef þú ert sögunörd og elskar ekkert meira en að kynna þér menningu og mannkynssöguna þá er þetta rétta ferðin fyrir þig. Frábær 3 og 1/2 vikna ferð sem fer með þig frá Grikklandi þar sem þú heimsækir Aþenu og Santorini, til Tyrklands þar sem þú heimsækir Istanbúl. Næst er farið yfir til Egyptalands þar sem þú heimsækir Kaíró og skoðar píramídana og að lokum til Jórdaníu þar sem þú kíkir meðal annars á Dauðahafið.
Verð frá: 548.000 ISK
Lengd: 3 og 1/2 vika
Hápunktar: Acropolis, Santorini, Hagia Sophia, píramídarnir, Petra og Dauðahafið
Sjálfboðastarf með skjaldbökum á Grikklandi
Uppgötvaðu hið sögufræga Grikkland þar sem þú munt dvelja og gearst sjálfboðaliði ásamt hópi annarra alþjóðlegra sjálfboðaliða. Þar munt þú leggja þitt af mörkum til verndunar á einni mikilvægastu varpstöð skjaldbaka á svæðinu. Ef þú ert heppin/n gætir þú jafnvel orðið vitni af útungun skjaldbakanna og ferð þeirra frá ströndinni og í hafið. Auk þess að vinna við verndun skjaldbaka munt þú taka þátt í því að deila upplýsingum um náttúruverndarstarf bæði til nærsamfélagsins og ferðamanna á svæðinu.
Verð frá: 329.700 ISK
Lengd: 2 vikur
Hápunktar: Umhverfið, vinnan og fólkið sem þú kynnist
Það besta í Asíu
Hvernig hljómar að byrja að skipuleggja ævintýrið þitt til Asíu? Í þessari ferð muntu upplifa allt það besta sem Asía hefur upp á að bjóða er þú heimsækir 5 stórkostleg lönd, Tæland, Víetnam, Laos, Kambódíu og Balí í Indónesíu. Þú munt kanna helstu kennileiti heimsálfunnar eins og Angkor Wat, fara í siglingu á Halong Bay, skella þér á núðlunámskeið, gista í heimadvöl í Chambok, læra að surfa á Balí og skoða Gili Trawangan.
Verð frá: 624.600 ISK
Lengd: 38 dagar
Hápunktar: Halong Bay, Angkor Wat, Chambok heimadvöl, surfbúðir á Balí og Gili Trawangan
Interrail í Evrópu
Þessi frábæra Interrail ferð um Evrópu hefur allt sem þú gætir óskað þér. Skemmtilegar skipulagðar ferðir, spennandi lönd, heillandi náttúru og aðra menningu. Innifalið í ferðinni er Interrail passi sem þú munt nýta til að ferðast frá Ítalíu og alla leiðina til Albaníu með stoppi í Austurríki, Slóveníu, Króatíu, Bosníu og Hersegóvínu og Svarfjallalandi.
Verð frá: 604.000 ISK
Lengd: Tæpar 4 vikur
Hápunktar: Fjallahjólaferð, Stand Up Paddle ferð, Triglav þjóðgarðurinn og sigling í Króatíu
Ævintýri í Kosta Ríka
Kosta Ríka er sannkölluð paradís og sameinar bæði fallega regnskóga, glæsilegar strendur og frábæra menningu. Ferðin hefst í San José, höfuðborg Kosta Ríka, og þaðan er farið til La Fortuna þar sem Arenal eldfjallið bíður auk heimsóknar á kaffiekru sem vinnur að því að styrkja samfélagið og efla aðstæður heimamanna. Frá La Fortuna er haldið til Monteverde sem er sannkölluð paradís fyrir útivistarfólk. Hér getur þú til dæmis farið í zipline yfir frumskóginn. Á eftir því tekur við brimbrettafjör og strandartími í Quepos sem er lítið þorp með virkilega góðu andrúmslofti. Ferðalagið endar svo þar sem það byrjaði, í San José, áður en ferðinni er heitið aftur heim.