Þú kynnist Tælandi á einstakan hátt í þessum ferðum
Tæland er einn vinsælasti áfangastaðurinn okkar, enda frábært land til að heimsækja. Það er hægt að ferðast um landið á óteljandi vegu en hvernig er best að kynnast landinu á einstakan og óhefðbundinn hátt? Hvernig er hægt að upplifa Tæland fyrir utan vinsælustu ferðamannastaðina? Við höfum valið okkar uppáhalds leiðir sem gera þér kleift að upplifa Tæland á einstakan hátt!
Fá fría ferðaráðgjöf
Ganga í Chiang Mai
Elskar þú útivist? Hvernig hljómar þá að fara í göngu um magnað umhverfi? Ef það hljómar vel þá er þessi ferð fullkomin fyrir þig! Umhverfið í Chiang Mai er frægt fyrir stórkostlega náttúru, en hún er gjörólík hvítu ströndunum sem flestir tengja við Tæland. Ein besta gönguleiðin í Chiang Mai er Ban Jabo Hilltribe gangan. Hún tekur 5 daga en í henni munt þú arka um fallega náttúru, heimsækja lítil þorp og kynnast alvöru Tælenskri matargerð.
Sjálfboðastarf með fílum og öðrum dýrum
Sem sjálfboðaliði munt þú vinna með dýrum í þeirra náttúrulega umhverfi. Þú hefur möguleika á að sameina tvö frábær sjálfboðastörf þar sem þú munt vinna með dýrunum á svæðinu. Þú munt vinna bæði hjá Elephant Refuge Center og Wildlife Rescue Center, en lágmarksdvöl er tvær vikur. Meginmarkmiðið á báðum stöðum er að hjálpa dýrunum og sleppa villta dýralífinu svo aftur í sitt náttúrulega umhverfi. Wildlife Rescue Center hefur griðarstað fyrir fugla ásamt fjölda annarra dýra eins og gibbon apa, macaques, hlébarða, asíska svartabirni og svo mætti lengi telja. Hjá Elephant Refuge Center munt þú síðan komast í kynni við fjölda fíla sem áður voru neyddir til starfa í ferðaþjónustunni.
Einstakt frumskógarævintýri í Sai Yok þjóðgarðinum
Þessi ferð sér til þess að þú sért ekki í miðjum ferðamannastraumi en í staðin verður þú í algjöru frumskógarævintýri í Sai Yok þjóðgarðinum. Engin hótel heldur bara faldar gersemar sem heimafólkið rekur. Búðu þig því undir að fljóta niður ánna þar sem þú stoppar hjá Sai Yok fossunum á leiðinni. Eftir að hafa gist á fljótinu tekur við kayakferð í gegnum þjóðgarðinn ásamt frumskógargöngu. Ef þú ert síðan komin/n með nóg af frumskóginum getur þú valið að fara í hjólaferð og slappað af á plantekrum. Þegar ferðinni er lokið er síðan tilvalið að eyða tíma í sögulegu borginni, Kanchanaburi, áður en haldið er af stað á næsta áfangastað.
Umphang gangan í gegnum frumskóginn á Norður-Tælandi
Sveigðu framhjá hefðbundum leiðum þegar þú skoðar Norður-Tæland með þessari ferð í gegnum frumskóginn nálægt Umphang náttúruverndarsvæðinu. Þú munt ganga í gegnum frumskóginn, synda við hæsta foss Suðaustur-Asíu (hann er um 400 metra hár), fljóta niður Mae Klong ánna og kynnast menningu heimamanna með því að dvelja í litlum þorpum á leiðinni. Það er ekki að ástæðulausu að þetta fallega svæði er á heimsminjaskrá UNESCO!
Vilt þú fara til Tælands
Hljómar þetta eins og algjör draumur? Við getum hjálpað þér að setja saman draumaferðina þína til Tælands. Skrifaðu okkur og fáðu fría ferðaráðgjöf.
Fá fría ferðaráðgjöf
