3 einstök verkefni í Ekvador

Þetta verkefni er fullkomið fyrir þá sem elska dýr og eru óhræddir að taka til hendinni. Björgunarmiðstöðin Yanacocha er staðsett í Amazon-frumskóginum í stuttri akstursfjarlægð frá litla þorpinu Puyo. Miðstöðin vinnur að því að bjarga og sjá um misnotuð eða yfirgefin dýr, þar með talið ocelots, capybaras, páfagauka og apa svo eitthvað sé nefnt. Þegar mögulegt er þá hefur miðstöðin það að markmiði að sleppa dýrunum aftur í sitt náttúrulega umhverfi.

Sem sjálfboðaliði munt þú hjálpa til við að fóðra dýrin og viðhalda aðstöðum þeirra. Þú munt ekki einungis taka þátt í að vernda þessi dýr, heldur munt þú einnig upplifa lífið í regnskóginum í Amazon og eignast nýja vini þegar þú kynnist hinum sjálfboðaliðunum.

Ef þú vilt sameina sjálfboðastarf við ferð þína og þú elskar að vinna með börnum skaltu ekki leita lengra. Sinsoluka Center for Street Children er verkefni sem miðar að því að hjálpa og styðja við börn og aðra sem koma frá óstöðugum bakgrunni eða búa á götum höfuðborgar landsins, Quito.

Sem sjálfboðaliði munt þú vinna með börnunum með því að taka þátt í mismunandi athöfnum. Þetta getur verið að bera fram mat, spila með börnunum eða að aðstoða þau við heimanámið. Markmið verkefnisins er að veita börnunum þá athygli og þann stuðning sem þau eiga skilið.

Meðan þú ert sjálfboðaliði munt þú að sjálfsögðu líka fá innsýn í lífið í hinni líflegu höfuðborg Ekvador.

Viltu læra spænsku í Suður-Ameríku? Þá er þessi spænskuskóli í Montañita svarið! Hér munt þú taka þátt í daglegum spænskunámskeiðum en einnig læra að surfa á sama tíma og þú kynnist nýju fólki í þessum fallegum hluta Ekvador.

Vegna þess að markmið dvalarinnar er að læra spænsku ættir þú að reyna að forðast að tala ensku við nýja vini þína utan skólatíma til að fá sem mesta út úr kennslunni. Svo komdu með opinn huga og vertu tilbúin/n til að fara út fyrir þægindarammann!

Gott ráð: Ef þú tekur þátt í þessu verkefni á milli júlí og september þá eru einnig líkur á því að þú verðir vitni að farfuglum sem fara framhjá. Og ef þig langar að surfa meira utan kennslustundanna þá getur þú alltaf keypt þér þitt eigið surfbretti og selt það þegar þú ferð!