Þarftu fleiri ástæður til að fara í ferðalag?
Elskar þú að ferðast? Það skiljum við vel! Jafnvel þótt að maður þurfi kannski ekki endilega fleiri ástæður til að ferðast - þá geta þær ekki skaðað heldur. Hér finnur þú hvernig ferðalög geta haft jákvæð áhrif á þig sem manneskju. Lestu um áhrifin og komdu síðan til okkar í fría ferðaráðgjöf.
Fá fría ferðaráðgjöf
1. Þú lærir að vera þolinmóðari
Allir sem hafa ferðast vita að stundum fer ekki allt eftir áætlun. Stundum koma rúturnar ekki á réttum tíma, stoppa ekki á réttum stöðum og vegskilyrðin eru ekki þau bestu. Hvort sem þér líkar það betur eða verr - þegar þú ferðast til framandi landa, þá mun það reyna á þolinmæði þína.
2. Þú lærir að komast yfir menningarsjokk
Ekki allir geta tekist á við hið yfirþyrmandi menningarsjokk þegar þú ferðast til framandi landa. En því meira sem þú ferðast því auðveldara verður fyrir þig að takast á við menningarsjokk. Þú munt læra að takast á við þau svo þau verði ekki jafn... sjokkerandi.
3. Þú styrkir (kannski) sambönd
Hvort sem þú ert að ferðast með maka þínum eða vini/vinkonu getur þú verið viss um að löng ferð getur sýnt þér hvort að sambandið er "meant to be" eða ekki. Þið lærðið nefnilega mikið um hvort annað þegar þið ferðist saman.
4. Þú verður sjálfstæðari
Það á sérstaklega við ef þú ert að ferðast ein/n. Þótt það getur verið taugatrekkjandi að ferðast einn og kynnast fullt af nýju fólki, þá er það einmitt það sem lætur þig vaxa og verða sjálfstæðari.
5. Þú víkkar sjóndeildarhringinn
Þú ert kannski með ákveðnar hugmyndir um ákveðið land, menningu eða hefðir og það kann að breytast þegar þú ferðast. Þú munt því vaxa og víkka sjóndeildarhringinn á meðan ferðalagi þínu stendur
6. Þú lærir að tækla breytingar og ófyrirsjáanlega atvik
Hvaða veg sem þú kemur til með að velja í lífinu getur þú verið viss um að breytingar munu verða á vegi þínum. Þegar þú ferðast er alltaf möguleiki á því að ófyrirsjáanleg atvik koma upp. Þau atvik þjálfa þig í að takast á við önnur ófyrirsjáanleg atvik sem kunnu að koma upp í lífinu.
7. Þú lærir að lifa án hversdagslegra hluta
Þegar þú vaknar um morguninn í trjáhúsi í frumskóginum í Myanmar, þá ertu ekki beint að búast við því að geta stungið hárblásaranum í samband eftir morgunsturtuna. Þegar þú ert á ferðalagi lærir þú þess vegna að lifa án óþarfa hversdagslegra hluta.
8. Þú lærir að meta lífið
Eitt sem við lærum á ferðalagi er að kunna að meta hluti sem við tökum vanalega sem sjálfsögðum hlut. Þegar þú heimsækir þorp í Víetnam eða Botswana, munt þú fljótt komast að þeim forréttindum sem þú hefur. Það er erfiðara að átta sig á því ef þú situr heima á sófanum og veltir fyrir þér hvort þú átt að borða epli eða súkkulaði yfir næsta Netflix þættinum.
9. Þú verður hugrakkari
Þegar maður er heima hjá sér á maður það til að lifa lífinu samkvæmt sinni rútínu. Það er hinsvegar ekki málið þegar þú ferðast erlendis. Þar getur þú nýtt tækifærið og gert eitthvað sem þú myndir aldrei gera heima hjá þér eins og að fara í fallhlífarstökk, læra að surfa, borða skordýr eða gista undir berum himni. Þegar þú skorar á sjálfan þig að gera nýja hluti verður þú hugrakkari fyrir vikið.
10. Þú stækkar þægindarammann þinn
Það er ekkert hugtak sem á meira við heldur en "að fara út fyrir þægindarammann" þegar þú ferðast. Og þá sérstaklega ef þú ert að ferðast til landa sem eru með öðruvísi innviði en Ísland. Því meira sem þú neyðist til að stíga út fyrir þægindarammann því meira vex þú sem manneskja.
