10 ástæður til að elska Kosta Ríka

Það er eitthvað við það að síga niður í aparólu yfir einn af stórkostlegu frumskógum Kosta Ríka sem er álíka spennandi og það er hrollvekjandi. Ef þú ert adrenalínfíkill þá ertu á réttum stað. Kosta Ríka er fullkominn áfangastaður fyrir alla þá sem vilja gera eitthvað spennandi en úr nógu er að velja!

Kosta Ríka mun heilla þig með stórfenglegri náttúru og mögnuðu dýralífi. Eitt af dýrunum sem mun óneitanlega verða á vegi þínum eru letidýr. Þú munt sjá þau hanga í trjánum út um allt land og þá sérstaklega í þjóðgörðunum. Ekki missa af tækifæri til þess að eyða góðum tíma með þessum viðkunnalegu og lötu dýrum.

Hvert sem þú snýrð þér í Kosta Ríka þá muntu sjá apa. Apar eru svo algeng sjón í landinu að þú munt meira að segja hætta að nenna að taka upp myndavélina þegar þeir verða á vegi þínum. Það eru fjórar tegundir apa í Kosta Ríka sem finnast einungis í skógunum en þeir eru: White-throated capuchin apar, Howler apar, Squirrel apar og Spider apar. Þú getur séð þessa apa allt árið um kring og í Corcovado þjóðgarðinum getur þú séð allar þessar apategundir á einum stað. Vertu samt varkár! Þessir apar eru þekktir fyrir það að stela hlutum úr höndunum á þér.

Kosta Ríka er grænt, gróskumikið og litríkt land sem samanstendur af 28 fallegum þjóðgörðum. Ef þú ferð til Kosta Ríka þegar að regntímabilinu er að ljúka þá muntu líklegast samt fá smá rigningu. Hinsvegar færðu líka að upplifa eitt stórkostlegasta og líflegasta landslag sem þú munt nokkurntíman sjá. Kosta Ríka er mitt á milli tveggja hafa og tveggja heimsálfa sem býður upp á einstak landsvæði og lífríki. Einn fallegasti en jafnframt minnsti þjóðgarður Kosta Ríka er Manuel Antonio á Kyrrahafsstrandlengjunni. Þjóðgarðurinn er heimili ótrúlegs magns af framandi dýrum eins og snákum, öpum, stórum eðlum, letidýrum og fuglum í öllum litum regnbogans.

Heimafólk Kosta Ríka er oft kallað Ticos sem er orð sem er dregið frá orðinu hermanticos sem þýðir bróðir. Þetta dregur saman kjarnann í heimafólki Kosta Ríka þar sem þau kunna að meta fjölskyldu, samfélag og samheldni. Oftar en ekki er heimafólkið mjög vingjarnlegt og tekur vel á móti ferðamönnum þar sem ferðamennska er mikilvæg fyrir hagkerfi landsins. Einnig er fólkið einstaklega kurteist og forðast oft að segja beint nei við fólk. Það getur þó verið pínu ruglandi fyrir þig sem ferðamann!

Kosta Ríka hefur að geyma tvær strandlengur umkringdar gróskumiklum frumskógum. Þess vegnar er Kosta Ríka þekkt fyrir einar fallegustu strendur Mið-Ameríku. Cahuita þjóðgarðurinn er einn besti þjóðgarður Kosta Ríka vegna fallegra hvítra stranda, gróskumikils frumskógar og ótrúlegs dýralífs. Það er ekki langt að fara þangað frá Puerto Viejo og það kostar ekkert. Það er því algjört must að heimsækja garðinn þegar þú ert við Suður-Karíbahafið. Að fá smá tan hefur aldrei verið jafn spennandi!

Og meðan við munum... vissir þú að hin glæsilegu Selina Hostels í Kosta Ríka eru staðsett nálægt ströndinni.

Það getur vel verið að ótrúlegt náttúrulíf laði fólk að Kosta Ríka en ekki sleppa því að upplifa næturlífið! Frá rólegum börum til strandarklúbba  í San José með heimsfrægum plötusnúðum, Kosta Ríka býður upp á ótrúlega fjölbreyttni þegar kemur að næturlífi. Þú vilt ekki missa af góðu partíi er það nokkuð? San José er spennandi borg og nýja flugleiðin með KLM sem fer beint frá Amsterdam til San José gerir ferðalagið þangað ennþá auðveldara.

Ef þú hefur farið til Kosta Ríka eða þig langar að fara þá er einn stuttur frasi sem gott er að leggja á minnið og hann er "Pura Vida". Beinþýddur þýðir hann einfaldlega "einfalt líf" eða "hreint líf" en á Kosta Ríka er þetta ekki bara frasi heldur frasi til að lifa eftir. Ticos nota þennan frasa til þess að heilsast, kveðjast og til þess að segja að allt sé í lagi. Það er ekki af ástæðulausu að Kosta Ríka hefur verið nefnt sem eitt hamingjusamasta land heims og það er mestmegnis vegna þess að heimafólkið er ekki að stressa sig á hlutunum.

La Fortuna er fallegt svæði sem er best þekkt fyrir virka eldfjallið, Arenal. Arenal er eitt virkasta eldfjall heims en það hefur þó legið í dvala síðan árið 2010. Þegar það er virkt spýr eldfjallið ösku og glóandi hrauni nánast daglega. Heillandi og meinlaust svo lengi sem þú heldur þig í hæfilegri fjarlægð. Þér gæti jafnvel þótt spennandi að síga niður fjallið og fara í leiðinni í gegnum fallegan foss.

Ef þú ert ekki ennþá búin/n að ná því þá er Kosta Ríka stútfull af eldfjöllum, regnskógum, fossum, ám og ströndum. Þeir sem elska ævintýraferðir geta því valið á milli fjölda afþreyinga eins og river rafting, snorkli, kayakferðum, zip-lining, surfi og svo mætti lengi telja. Þín mesta áskorun verður að ákveða hvar þú vilt eyða þeim tíma sem þú hefur.