Uppgötvaðu leyndardóma Mexíkóborgar sem almenningur veit ekkert af. Slappaðu af með mannfjöldanum í Chapultepec Park almenningsgarðinum og lærðu um langa og ríka sögu borgarinnar.
Mexikóborg er höfuðborg Mexikó. Þér mun ekki leiðast í Mexíkóborg - hún er ein stærsta borg heims. Íbúarnir eru fleiri en 20 milljónir og borgin býður upp á margar kirkjur, dómkirkjur og söfn. Sögulegar minjar Asteka indjánana eru víða og borgin er heimili síðustu Volkswagen bjöllunar, sem útskýrir af hverju þær eru svo margar á götunum. Í hinum risastóra Chapultepec almenningsgarði getur þú eytt nokkrum dögum. Ef ætlunin er að ganga um borgina, passaðu þig þá á menguninni og hversu hátt borgin liggur (2240 metrum yfir sjávarmáli) - maður verður fljótt þreyttur hér.
Gengið um borgina
Labbaðu yfir í Zócalo hverfið og skoðaðu Templo Mayor safnið - einn helsta píramída og helgistað Astekaindjánana til forna. Þar er kanski dálítil mannþröng en það er vel ferðarinnar virði. National Palace höllin og Spænska dómkirkjan hafa varðveist betur og eru einnig tilkomumikil. Listunnendur ættu að heimsækja Coyoácan eða San Ángel hverfin. Ef heppnin er með sérð þú fjölda fólks dansa á Plaza del Danson torginu. Ungir og gamlir dansa saman í sínu fínasta pússi. Ekki láta feimnina stoppa þig - klæddu þig í sparifötin og blandaðu geði við heimamenn!
Því miður þá er Mexíkóborg fræg fyrir háa glæpatíðni. Þess vegna er best að fara varlega. Hinsvegar ef þú forðast verstu hverfin, þá ætti að vera allt í lagi. Þér stafar meiri hætta af umferðinni en glæpamönnunum! Mexíkóar lúta engum reglum (nánast) - þegar kemur að því að keyra, búðu þig undir öngþveiti og passaðu að flautan sé í lagi!
Chapultepec almenningsgarðurinn
Margir heimamenn safnast saman á hverjum degi í Chapultepec Park, sem er stærsti almenningsgarður í heimi. Svæðið er líka samofið langri sögu Mexíkóborgar, allt aftur til fjórðu aldar fyrir Krist. Á svæðinu eru sjö söfn, þar á meðal gamla höllin. Það er auðvelt að gleyma sér í marga daga hér.
Fornmenningar
Í borginni og umhverfis hana eru ótal heillandi minjar frá hinum ýmsu fornmenningum. Þú bókstaflega verður að heimsækja Teotihuacan pýramídana, aðeins klukkutíma ferð frá miðbænum. Þar getur þú gengið um milli rústa fornrar pýramídaborgar og séð með eigin augum hvernig guðirnir voru tilbeðnir og fórnir voru framfærðar á fornöld.
Íþróttir í Mexíkóborg
Í Mexíkóborg eru nokkur fótboltalið í landsdeildinni. Það er skylda að sjá viðureign gamalla fjenda eins og Club América og Atlante, jafnvel þótt þú hafir ekki gaman af fótbolta. Andrúmsloftið á Estadio Azteca vellinum – einn stærsti völlur í heimi, með yfir 110.000 sæti - er yfirþyrmandi.
Fyrir utan borgina
Ef þú þreytist á menguninni og umferðinni, skrepptu út fyrir borgarmúrana til að finna frið og ró. Nýlendubærinn Valle de Bravo stendur uppi á hæð við stærðarinnar stöðuvatn og er friðsamur griðastaður. Hlaðnar göturnar og furuskógurinn umhverfis bæinn færa yfir hann friðsælt andrúmsloft: hér getur maður dvalist í fleiri daga eða vikur. Fyrir sagnfræðiáhugafólk er hægt að heimsækja sögulegu staðina Querétaro eða San Miguel de Allende, þar sem mikið ber á sterku menningarlífi.