Í Los Angeles blandast saman 140 þjóðerni og mynda skemmtilegan menningarhrærigraut. Minnihlutasvæðin eru Chinatown, Koreatown, Little India, Little America, Thai Town og Little Ethiopia. Þótt varla þurfi að nefna, þá hefur hvert svæði sinn einstaka karakter.
Hvað á að gera í Los Angeles?
Farðu í nútímalistasafnið sem er staðsett á 250 S Grand Ave, alveg í miðbænum. Ef þú færð þörf fyrir að versla skaltu stefna á Rovertson Blvd og Melrose Ave, og ef þú vilt eyða eins og stjörnurnar skaltu fara á Rodeo Drive. Disneyland í Anaheim er tilvalinn staður fyrir börn sem og aðra áhugasama. Svo er algert skilyrði að skoða Beverly Hills sem lítur alveg eins út og í samnefndri sjónvarpsseríu.
Hinn frægi "Route 66" vegur endar við Palisades garðinn í Santa Monica. Ef þú ert mikið fyrir að skoða mannlífið er þetta rétti staðurinn, en hér líta allir glæsilega út. Í Santa Monica finnurðu sædýrasafn (1600 Ocean Front Walk) þar sem þú getur horfst í augu við hákarla. Einnig er Pier & Pacific garðurinn skammt frá ef þú vilt einhverja frekari dægrastyttingu.
Það eru góðar öldur til brimbretta- og bodyboarding iðkunar á Venice Beach, Malibu og Zuma. Manhattan strönd er pökkuð af fólki í blaki og sólbaði á sumrin en hún er talin skemmtilegasta og besta ströndin í Los Angeles.
Ef þú vilt fara í gönguferðir skaltu stefna á fjöllin í Santa Monica, Malibu Sate Park og Griffith Park. Fyrir skíðaiðkenndur er Bernandino National Forest og Big Bear Lake nálægustu skíðasvæðin.
Hollywood
Hollywood er þekkt fyrir upptökuverin sem þróuðust á upphafi tuttugustu aldar. Þú getur byrjað á að keyra um Hollywood hæðirnar til að sjá óraunverulegu hýbýli fræga fólksins.
Heimsfræga leikhúsið Kodak, áður þekkt undir nafninu Graumans Chinese leikhúsið, var byggt 1927 á blómaskeiði Hollywood. Leikhúsið er einfaldlega goðsagnarkennt. Þetta gríðarstóra leikhús er staðsett á hinni frægu götu, Hollywood Boulevard. Frægustu frumsýningarnar fara fram hér og einnig Óskarverðlaunahátíðirnar. Fyrir framan leikhúsið geturðu séð eiginhandaáritanir og lófaför fræga fólksins þrykkt í stéttina.
Universal Studio er mjög fjölsóttur þemagarður, Parmount Studios og Warner Bros Studios eru einnig mjög svöl fyrir þá sem hafa áhuga á að fylgjast með hvernig sjónvarpsseríur eru filmaðar.
Strendurnar í LA
Malibu er stærsta ströndin í Los Angeles. Venice Beachfront er svalur staður og hér er rosa gott að slaka á og láta sólina baka sig.
Meðfram gönguplönkunum sérðu alls kyns furðufólk. Syntu í suðurhluta Kyrrahafs, leigðu línuskauta eða leiktu þér í strandblaki. Hentu af þér sandölunum og taktu vel á því í Sand Dunes "work-out" garðinum í South Bay (33rd & Bell Ave).
Ferðast um LA
Umferðaþunginn er gífurlegur því það er einn bíll á íbúa í borginni! Samt er besti ferðamátinn að leigja bíl eða taxa, þú verður bara að vera þolinmóður.
