Innan um marga fallega áfangastaði á frönsku riveríunni er Nice perlan. Borgin er einstaklega líflega og þar finnur þú alla þá kosti sem miðjarðarhafsborgir hafa þegar kemur að mat, menningu, verslun og skemmtun. Hér koma þeir ríku saman á lúxus hótelum, eyða þúsundum evra í spilavítum og ræða tísku eða pólitík yfir kavíar og kampavíni. Á sama tíma skrá bakpokaferðalangar sig inn á vingjarnleg gistiheimili, þræða götur Vieille Ville hverfisins og setjast niður við sjóinn með frönsk vín og osta úr nálægri matvöruverslun. Nice er skemmtileg borg fyrir alla!
Hvað á að skoða í Nice?
Framboðið á skoðunarferðum og skemmtunum er gríðarlegt í Nice en það eru nokkrir staðir sem þú ættir alls ekki að missa af. Farðu upp á hæðina við Vieille Ville hverfið og njóttu útsýnisins yfir borgina. Þar finnur þú einnig fornar leifar af kastalanum Colline du Chateau og skemmtilegan garð. Mundu að taka með gott vín, osta og nýbakaða baguette.
Á daginn er ævintýrlegur blómamarkaður í gamla bænum, Vieille Ville, þá fyllist torgið af skemmtilegum blómasölum ásamt nokkrum sem selja ferska ávexti, grænmeti og osta. Þegar líður á kvöldið taka veitingastaðirnir yfir og torgið fyllist af borðum og stólum. Ef þú hefur áhuga á stjörnufræði máttu alls ekki missa af Nice Observatiorum. Hvelfingin er 24 metra í þvermáli og sú stærsta í Evrópur. Þar getur þú fræðst um og horft á stjörnurnar í gegnum sjónauka. Mikið er einnig af sögufrægum byggingum á borð við kirkjur og dómkirkjur sem sumar eru frá 18. öld.
Þó svo það sé margt að sjá og skoða í Nice þá verður þú og allir sem þangað koma að ganga meðfram Promenade des Anglais sem liggur meðfram ströndinni. Þar er yndislegt að staldra við og fylgjast með mannlífinu. Athugið að ströndin í Nice er gerð úr steinum svo ef þú villt frekar sandinn þá er ekkert mál að kíkja yfir til Villefranche-sur-Mer. Það eru einnig margir skemmtilegir staðir í kringum Nice sem er vert fyrir þig að heimsækja eins og Mónakó, Cannes og Antibes. Auðvelt er að fara þangað með lestinni sem gengur allan daginn.
Hágæða matur
Veitingastaðirnir í Nice eru ekki af verri endanum en þeir bjóða upp á frábær dæmi um franska matreiðslu. Í Nice er sjávarréttirnir ferskir og ættir þú að prufa að panta þér sérrétt þeirra, kræklinga. Í gamla bænum finnur þú mikið úrval veitingastaða og eru gæðin venjulega góð. Margir veitingastaðir bjóða upp á fyrirfram ákveðinn matseðil á um 10-20 evrur á mann, þú ættir að forðast þessa staði.
Samgöngur og gisting í Nice
Í Nice finnur þú allskonar gisti möguleika, ódýr gistiheimili, virkilega dýr lúxushótel og allt þar á milli. Verðið stjórnast yfirleitt af staðsetningu og því lengra sem þú ferð frá miðbænum þá lækkar verðið og gæðin hækka. Það er auðvelt fyrir fótgangandi vegfarendur að rata um í Nice. Einnig er þar mjög skilvirkt sporvagna- og strætókerfi sem þú ættir ekki að eiga í neinum vandræðum með að nota. Leigubílar eru dýrir svo ekki taka þá nema það sé nauðsynlegt. Samgöngur til og frá flugvellinum að miðborginni eru ódýrar og auðveldar.