2 vikur í Slóveníu og Króatíu

Hér má sjá kort af ferðaleiðinni. Flettu áfram til að skoða ferðaáætlunina.

Ath: Þetta er ekki ákveðin ferð með föstum brottfarardagsetningum heldur ferðatillaga sem við höfum sett saman. Það er undir þér komið hvort þú vilt fara í nákvæmlega þessa ferð, bæta henni við ferðina þína eða gera hreinlega eitthvað allt annað. Við getum hjálpað þér að sérsníða ferðina þína nákvæmlega eins og þú vilt hafa hana.

Eftir að þú lendir í München hefst ferðin þín um þýska sveit í nútímalegri og hraðskreiðri lest. Í háhraðalestum í Þýskalandi býður hver lest upp á kaffihús og veitingastað um borð. Taktu annaðhvort dagslest eða næturlest til Ljubljana í Slóveníu, horfðu út um gluggann og fylgstu með fallegu landslagi þegar lestin keyrir um fjalllendið. Njóttu nokkurra nátta hér á fallegu og vel staðsettu farfuglaheimili sem við höfum pantað fyrir þig. Það er fullkominn staður til að kynnast öðrum bakpokaferðalöngum.

Þú getur komið til Bled hvenær sem er um daginn, en ef þú hefur frítíma til að skoða smábæinn á eigin spýtur mælum við með því! Algjör hápunktur er augljóslega fallega vatnið sem er miðpunktur athyglinnar í Bled. Þar getur þú til dæmis farið í göngu til Mala Osjinica þar sem þú færð frábært útsýni yfir svæðið!

Þá hefst fjörið! Þú verður sótt/ur um morguninn og skutlað að Sava ánni. Sjálft river rafting-ið tekur um það bil eina og hálfa klukkustund og allur nauðsynlegur búnaður verður til staðar. Ekki hafa áhyggjur ef þú ert byrjandi, þetta rafting ævintýri hentar öllum. Þegar þú ert búinn að fá adrenalín spark verðurðu flutt/ur aftur til Bled, þar sem þú getur notið vatnsins eða hangið með samferðamönnum þínum úr hópnum.

Við höfum skipulagt annað flott ævintýri fyrir þig. Að þessu sinni snýst allt um gljúfur, sem þýðir til dæmis bjargsig í gegnum epíska fossa! Áætlað er að ferðin taki um 3 klukkustundir. Þetta gæti líka verið síðasti dagurinn í Bled og því þarftu að vera búin/n að pakka niður í töskur áður en haldið er til Króatíu.

Frá Bled tekur þú lestina í fjórar klukkustundir áður en þú kemur til Opatija í Norður-Króatíu. Þú getur komið þangað hvenær sem er um daginn og notið þessa heillandi litla bæjar á eigin spýtur áður en næsta ævintýri byrjar daginn eftir. Röltu eftir göngugötum Opatija og njóttu góðs sjávarréttar í kvöldmatinn.

Taktu ferjuna frá Opatija og borðaðu góðan hádegismat um borð hennar sem er síðan fylgt eftir með sundspretti í kristaltærum sjó á leiðinni til Krk Island - stærstu króatísku eyjunnar. Krk býður upp á gríðarlega fjölbreytni en þar er að finna allskonar þorp, fallegar göngugötur, og fullt af smáum litlum eyjum og hundruðum falinna stranda. Á kvöldin geturðu svo setið á kaffihúsum og veitingastöðum við hliðina á höfninni.

Eftir morgunmat er komið að skemmtisiglingu í átt að Rab-eyju, þekkt sem „eyja ástarinnar“. Þar hefur þú tíma til að skoða þig um í fallega bænum sem er umkringdur veggjum frá miðöldum, rómönskum kirkjuturnum, kirkjum, höllum og steingötum. Njóttu „gallerísins“ á götunum og torgunum og prófaðu fræga „Rapska torta“ köku - það er algjört must! Ef tíminn leyfir skaltu ganga upp Kamenjak hæðina til að njóta stórkostlegs sólseturs. Rab Island er svo sannarlega falleg!

Þú ferð í morgunsiglingu frá Rab-eyju í átt að Zadar meðfram Pag-eyju með sundstoppi við Maun-eyju. Komið er til Zadar síðdegis en þá er króatíska hluta þessarar ferðar lokið. Við hvetjum þig til að vera í Zadar í nokkra daga, enda er nóg um að vera hér. Í aldaraðir var Zadar stórborg Dalmatíu og hún er í dag miðja svæðisins. Þar má sjá ummerki eftir Rómverja allt frá 1. öld e.Kr., kirkju St. Donatus og tákn borgarinnar, borgarmúrana.

Ferðinni þinni er lokið en þú getur valið um að halda áfram á eigin spýtur lengra niður Króatíu og skoðað restina af Balkanskaganum, eða þú getur haldið heim á leið.