Gönguklúbburinn til Himalayafjalla

Ferðin

Ferðin hefst á flugi til Nepal þar sem þið stoppið á leiðinni og getið eytt tveimur nóttum í Dúbaí eða Doha þar sem þið gistið á 4* hóteli með morgunmat. Það er tilvalið að stoppa í þessar tvær nætur ef enginn í hópnum hefur kynnst Arabíuskaganum áður. Þar getið þið gengið um lifandi götumarkaði og skellt ykkur svo í alvöru eyðimerkursafarí.

Eftir frábærar tvær nætur tekur síðan við flug til höfuðborgar Nepal, Kathmandu. Þar verður gist í tvær nætur og gönguhópurinn getur upplifað borgina. Þar er tilvalið að þræða búðirnar í Thamel hverfinu, skoðunarferð farin í Boudhanath þar sem ein þekktasta stúpa heims stendur og ef einhvern vantar útivistarfatnað fyrir komandi daga er lítið mál að redda slíkum hlutum í þessari einstöku borg.

Næstu 6 dagar einkennast síðan af fjallalofti, mögnuðu útsýni, stórfenglegum tindum, ösnum og jakuxum í halarófum arkandi upp og niður fjöllin. Gengið er að meðaltali 6 tíma á dag en þessi ferð norður af Pokhara er þekkt sem fallega Ghandruk - Ghorepani gangan, með stórkostlegu útsýni yfir Himalajafjöll frá toppi Poon Hill. Poon Hill er einn besti staðurinn fyrir myndavélina þína til að fanga Himalaya; þar á meðal Machhapuchhare, Annapurna og Dhaulagiri.

Eftir krefjandi göngudaga er haldið áleiðis af stað til Chitwan þjóðgarðsins þar sem þið munuð eiga þrjá daga í allt öðru landslagi og andrúmslofti. Farið verður í jeppasafarí, kanóferð og allir fá að upplifa matreiðslunámskeið í garðinum. Nepal dvölinni líkur síðan aftur í Kathmandu þar sem gist verður í eina nótt áður en flogið verður af stað heim til Íslands.

Fá fría ferðaráðgjöf