Sumarferðir fyrir hópa 2023

Njóttu þess að framlengja sumarið í Grikklandi! Ferðin samanstendur af dögum í Aþenu og á eyjuna Paros þar sem hópurinn fær að upplifa gríska menningu, vinalegt fólk og frábæran mat. Þessi 12 daga hópferð sameinar allt það besta.

Ævintýrið þitt byrjar og endar í hinni töfrandi Aþenu. Þar munuð þið skoða borgina og fallegar fornrústir hennar, skemmtileg torg og heimsfræg söfn. Í Aþenu dveljið þið í 4 nætur áður en leiðin liggur til Paros með ferju (u.þ.b. 3-5 klukkustundir) þar sem þið gistið næstu 5 næturnar.

Paros er grísk eyja í Mið-Eyjahafi. Einn af helstu áfangastöðum fyrir Aþenubúa og Grikki sem vilja flýja stórborgina en samt hafa greiðan aðgang að alþjóðaflugvellinum í Aþenu og Piraeus-höfninni. Þar finnur þú fullt af veitingastöðum og næturlífi ásamt börum, kaffihúsum og krám.

Eftir Paros liggur leiðin aftur til Aþenu í aðrar 4 nætur til að klára að skoða allt sem þú áttir eftir að gera. Þá er komið að því að halda heim á leið.

Innifalið:

• Flug til og frá Aþenu
• Far til og frá flugvellinum í Aþenu
• Gisting á 4* hótelum með morgunmat
• Ferjuferð frá Aþenu til Paros og til baka

 

Verð: Frá 230.000 á mann miðað við 15-20 manna hóp

Hafa samband um ferð

Uppgötvaðu stórkostlegu Prag, höfuðborgar Tékklands! Þessi ferð er tilvalin fyrir vinnufélagana, vinahópinn eða jafnvel stórfjölskylduna sem vill fara saman í skemmtilega helgarferð.

Innifalið í ferðinni er far til og frá flugvellinum í Prag ásamt gistingu á 4* hóteli með morgunmat. Við leggjum áherslu á að þið hafið tíma til að njóta fegurðar borgarinnar og þess vegna bættum við í ferðina kvöldverði á báti með glerþaki svo hópurinn getur séð borgina frá öðru sjónarhorni. Þess á milli skuluð þið njóta þess að rölta um sögulegar götur og heimsækja fræg kennileiti.

Innifalið:

• Flug til og frá Prag
• Far til og frá flugvellinum
• Gisting á 4* hótelum með morgunmat í gamla bænum
• Kvöldverður á báti með glerþaki

Verð: Frá 110.000 á mann miðað við 15-20 manna hóp

Hafa samband um ferð

Stórkostlegar strendur, gróskumiklir hrísgrjónaakrar og eldfjöll taka á móti þér í þessari 16 daga ferð til Balí. Þetta er ekki þitt venjulega sumarferðalag til Tenerife svo mikið getum við sagt!

Ferðin hefst í Changgu þar sem hópurinn mun gista í 4 nætur. Hér mælum við með því að þið hreyfið ykkur aðeins með því að skella ykkur að surfa eða jafnvel taka því aðeins rólega með nokkrum jógatímum.

Þegar dagarnir í Changgu eru liðnir liggur leiðin í frumskógarparadísina í Ubud. Hér höfum við skipulagt dagsferð á hrísgrjónaakur sem og eldfjallaferð á buggy bílum eða hjólaferð um Ubud, ykkar er valið. Í Ubud verðið þið einnig í 4 nætur áður en þið haldið áfram á næsta áfangastað, Nusa Lembongan.

Þegar þangað er komið tekur við slökun og snorkl. Hér er sko heldur betur hægt að njóta lífsins, og þið hafið 4 nætur til þess að kanna staðinn!

Síðast en ekki síst er það Uluwatu, þar sem ferðin endar. Hér upplifið þið magnaðar klettastrandlengjur (endilega skellið ykkur á veitingastað á einni slíkri og njótið útsýnisins) og surf fyrir lengra komna. Héðan er líka stutt að fara á flugvöllin þegar næturnar 3 hér eru liðnar. Fullkominn staður til að enda ferðina á!

Innifalið

• Flug
• Far til og frá flugvellinum
• Far á milli gististaða
• Gisting á 4* hótelum
• Dagsferð á hrísgrjónaakrana
• Eldfjallaferð á buggy bílum eða hjólaferð um Ubud

 

Verð: Frá 350.000 á mann miðað við 15-20 manna hóp

Hafa samband um ferð

Langar hópnum að fara í einhverja af þessari ferð? Eða kannski einhverja allt aðra? Við getum hjálpað ykkur að setja saman draumaferðina ykkar, sérsniðin fyrir ykkar hóp. Sendið okkur endilega skilaboð og við aðstoðum ykkur.

Fá fría ráðgjöf