Boston hefur upp á margt að bjóða. Borgin hefur frábæra vitsmunalega, fræðilega og bókmenntalega hlið. Nokkrir frægir rithöfundar koma frá Boston, t.d. Edgar Allan Poe. Hinn heimsfrægi Harvard háskóli er staðsettur í Cambridge, úthverfi Boston og ættu allir ferðalangar að ganga um sögulegt og fagurt háskólasvæðið, upplifa stemninguna þar.
Hvað er hægt að sjá og gera í Boston?
Í gegnum stóran hluta af Boston liggur rauð lína. Þessi lína er táknræn fyrir blóðið sem rann í þessum norðausturhluta landsins í borgarastyrjöld Bandaríkjanna (e. American War of Independence eða Civil War). Ef þú fylgir þessari línu munt þú finna nokkur af mikilvægustu minnismerkjum og kennileitum sem tengjast styrjöldinni og þeim atburðum sem leiddu til hennar í kringum árið 1770. Þessi áhugaverða gönguleið í gegnum Boston er kölluð Frelsisstígurinn (e. Freedom Trail) og er frábær leið til að minnast þessa mikilvæga hluta af sögu Bandaríkjanna og fá innsýn í það hvernig Bandaríkjamenn líta á sjálfa sig sem þjóð. Upphafspunktur þessarar fyrrnefndu rauðu línu og Frelsisstígsins er Boston Common, fallegur garður í hjarta borgarinnar.
Auðvitað er einnig hægt að upplifa náttúrulíf í og umhverfis Boston. Staðsetning borgarinnar við Atlantshafið sem gerir hana að góðum stað til að leggja upp í ferðir um sandöldur og strendur á Cape Cod eða fallegu eyjarnar Nantucket og Martha’s Vineyard. Hvalaskoðunarferðir fara daglega frá höfninni á tímabilinu apríl – október. Í þessum ferðum er nánast tryggt að þú kemst í návígi við einn af þeim risastóru hvölum sem halda til á svæðinu frá vori og fram á haust.
Andstæðir pólar
Borgin er að mörgu leyti staður þar sem andstæður mætast; þú getur fundið kósý hverfi með einkennandi múrsteinsbyggingum við hliðin á glansandi háhýsum í fjármálahverfinu. Þú rekst á indælar verslunargötur, við mælum eindregið með Newbury Street, og sum hverfi minna á breskar hafnarborgir, þar sem stíllinn er hrár og verksmiðjukenndur. Sumir borgarhlutar einkennast af elítu og menntaþokka en aðrir af meiri verkamannastíl sem talinn er tengjast írskum bakgrunni borgarinnar. Boston er staðsett á ströndinni við Atlantshafið og síðan á 19. öld hafa fjölmargir innflytjendur frá Evrópu, sér í lagi Írlandi og Ítalíu, sett mark sitt á borgina. Því má finna í borginni marga írska bari og góða ítalska veitingastaði, við mælum með Hanover Street til að snæða frábæran ítalskan mat.
