Nafn höfuðborgar Hondúras, Tegucigalpa, merkir silfurfjallið þar sem hún var miðstöð námuvinnslu á nýlendutímum. Hún er staðsett í dal og það má segja að hún sé ekki fallegasta borg í heimi. Í raun er flestum byggingum troðið í fjallshlíðina og borgarmyndin er yfirfull af Pizza Hut, Burger King og KFC veitingastöðum sem eru í snyrtilegustu húsunum. Ferðamenn sem vilja skoða borgir gætu þó heillast af þessari blöndu af gömlum nýlendubyggingarstíl og nýtískulegum byggingum.
Kirkja og markaður
Þar sem borgin er nýtískuleg höfuðborg getur þú fundið þar góða veitingastaði, banka, verslunarmiðstöðvar, nokkur söfn og kirkjur í nýlendustíl sem er þess virði að skoða. Dómkirkjan og Iglesia de Nuestra Señora de los Dolores eru staðsettar í sögulega hluta borgarinnar. Viskiptamiðja borgarinnar er í „la zona viva“ sem er á Boulevard Morazán. Þar eru áhugaverðar gamlar byggingar sem standa umhverfis Plaza de la Merced og ekki láta markaði miðborgarinnar framhjá þér fara en mundu að gæta þín á vasaþjófum.
Páskavikan - Besti tíminn til að vera í Tegucigalpa
Ef ferðalagið þitt er í páskavikunni munt þú upplifa mjög skemmtilega stemningu. Flestir íbúar borgarinnar hafa flúið á ströndina svo borgin er rólegri og miðbærinn er lokaður fyrir umferð svo hægt sé að leggja hin hefðbundnu og litríku sagteppi á göturnar. Þessi trúarlegu hátíðarhöld gefa borinni fallegan blæ, í nokkra daga.
Ef þú vilt sjá fallegt útsýni yfir Tegucigalpa, getur þú farið upp að fjallinu og að stóru styttunni af Kristi í Picacho Park. Það er uppáhalds helgarstaður innfæddra.
Að komast á milli staða í Tegucigalpa
Það getur verið ruglingslegt að komast á milli staða í Tegucigalpa. Umferðin er mjög þung og óskipulögð. Þegar þú ferðast um borgina er best að nota leigubíla og mundu að semja um verðið fyrirfram.
Gæði rútuferðarinnar þinnar fer eftir þeim klassa sem þú velur; lúxusrútur eru nýtískulegar, hafa loftkælingu og starfsmann sem býður upp á hressingu. Verðið fyrir þetta er ekki svo slæmt en gæðin eru miklu betri heldur en ef þú bókar þá ódýrustu. Þessar ódýru eru yfirfullar og talsvert meira hægfara.
Öryggi
Glæpir eru virkilegt áhyggjuefni í stórborgum í Mið-Ameríku. Forðastu að vera á ferðinni eftir að myrkrið skellur á og notaðu leigubíla frekar en að ganga. Það er gott að kunna pínulitla spænsku því það gæti hjálpað þér í mörgum aðstæðum.
