Langar þig að upplifa stærsta og besta kóralvistkerfi heims? Þetta gríðarstóra kóralrif er draumastaður allra kafara og snorklara því sjávarlífið þar er svo fjölbreytt og neðansjávarlandslagið er einfaldlega stórkostlegt! Kóralrifið á sér réttmætan stað á heimsminjaskrá UNESCO og stór hluti af því er einnig verndaður af The Great Barrier Marine Park. Kóralrifið er heimili höfrunga, hvala, sækúa og mismunandi tegunda af skjaldbökum auk fjölmargra tegunda af fiskum í öllum regnbogans litum. Þú ættir að taka með myndavél sem virkar neðansjávar því þú munt skapa frábærar minningar!
Hvar er best að byrja ævintýrið?
Airlie Beach er oft álitin byrjunarreitur fyrir ferðir um Whitsunday eyjar og kóralrifið mikla. Líkt og í Cairns er engin alvöru strönd þar, en nokkur vötn og lón. Þar getur þú slakað á, synt og grillað á almenningsgrillum. Flestar af ævintýraferðum KILROY fara frá þessum tveimur borgum. Við mælum sterklega með því að gista á live-aboards skipum því þá þarftu ekki að hugsa um að finna hótelgistingu. Venjulega siglir skipið hægt að næsta áfangastað svo þú færð tækifæri til þess að kafa á mörgum mismunandi stöðum. Snorklarar munu sjá margt líka, jafnvel meinlausa kóralhákarla eða fyndna kartöfluþorska.
Í Great Barrier kóralrifinu lifa yfir 400 tegundir af kórölum og 1500 tegundir af fiski svo þú getur rétt ímyndað þér hvað er ríkulegt náttúrulíf í þessum framandi hluta heimsins. Great Barrier rifið hentar byrjendum sem og reyndari köfurum. Þú munt ekki verða fyrir vonbrigðum með þessa ævintýraferð!
Þegar þú ert ekki að kafa
Whitsunday Islands er staður sem allir Ástralar myndu vilja fara að minnsta kosti einu sinni til. Sandstrendurnar eru með fínum, hvítum sandi og eru einfaldlega stórkostlegar. Eyjarnar eru staðsettar í um 8 klukkustunda fjarlægð frá Cairns og það er langbest að skoða þær með því að sigla þangað á góðri seglskútu.
Cape Tribulation er nálægt Cairns og þar eru frábærar gönguleiðir í regnskóginum. Hægt er að fara í ævintýraferð þar sem þú færð frábæra upplifun af þessu áhugaverða náttúruverndunarsvæði.
Tully River er líka spennandi dagsferð frá Cairns, sérstaklega fyrir þá sem eru að leita að ævintýri; það er frábært að fara í rafting þar! Það er best að skoða hinar afskekktu Fitzroy eyjar og nágrenni þeirra með því að sigla á kajak eða snorkla. Ekki missa af þessari perlu í hafinu.
Köfun og snorkl
Great Barrier kóralrifið er heimsklassastaður til að kafa og snorkla. KILROY hefur góð tilboð fyrir þá sem vilja læra að kafa og margir ferðamenn hafa sagt að þetta sé hverrar krónu virði.
Ábyrg ferðamennska
Great Barrier kóralrifinu standa margar umhverfisógnir fyrir dyrum eins og t.d. ferðamennska, veðurfarsbreytingar og breytingar á vistkerfi. Þú getur hjálpað við að vernda kóralrifið með því að vera sanngjarn ferðamaður og snerta ekki neitt á meðan þú kafar eða snorklar. Ekki gefa fiskunum og gættu að froskalöppunum þínum svo þú brjótir ekki kórala.
Ferðaráð
Þegar þú ert að skipuleggja ferðina þína, taktu þá með í reikninginn að rigning getur haft áhrif á það hvað vatnið er tært. Desember og janúar eru góður tími til þess að ferðast á, þrátt fyrir að þá sé mjög heitt. Köfun og afslappandi frí í Kóralrifinu mikla bíður eftir þér! Bókaðu þitt ævintýri með okkur.
