Topp 8 hlutirnir til að sjá og gera í Malasíu
Þú átt gott í vændum þegar þú ákveður að heimsækja Malasíu. Þetta fallega land í Suðaustur Asíu hefur upp á svo mikið spennandi að bjóða að það er erfitt að velja úr. Við mælum með að þú eyðir góðum tíma í Malasíu þar sem þú þarft að gera ráð fyrir tíma í bæði austur og vestur Malasíu til þess að geta gleymt þér í frumskógunum, notið matargerðarinnar, heilsað upp á órangútana, kafað með skjaldbökum og notið þess að sitja við hafið og horfa á sólina setjast með ferska kókoshnetu við hönd - ekki slæmt!
Malasía hefur upp á mikið að bjóða fyrir alla ferðalanga
Svo að það var erfitt með að ákveða topp 8 hlutina til að gera og sjá, en hér er okkar listi yfir það besta sem Malasía hefur upp á að bjóða. Kannaðu lífið í Malasíu!
1. Hittu órangúta og apa
20% af dýrategundum heimsins lifa í Malasíu og aparnir í Malasíu eru svo sætir að þú átt pottþétt eftir að vilja heilsa upp á þá. Ef þú flýgur til Sandakan á Borneo getur þú heimsótt Sepilok Rehabilitation Centre þar sem dýravinir hugsa vel um munaðarlausa órangúta og hjálpa þeim að komast aftur út í villta náttúrunna. Á milli 60 og 80 órangútar lifa þar frjálsir.
2. Gangtu á hæsta fjall Suðaustur-Asíu
Langar þig að njóta ótrúlegs útsýnis yfir Borneo? Við getum ábyrgst að þú munt sjá fallegustu sólarupprásina frá toppi Mount Kinabalu (4095 m yfir sjávarmáli). Jafnvel þó að gangan á toppinn taki á þá er hún á færi flestra - við þekkjum fólk sem er bara í "ágætis formi" sem hefur gengið fjallið tvisvar! Þegar þú ert komin(n) hálfa leið tekurðu pásu, borðar góðan mat og ferð jafnvel í sturtu. Um kl 2 heldurðu svo af stað ásamt fylgdarliði svo að þú náir upp á topp fyrir kl 5 þegar sólin byrjar að rísa. Um leið og fyrstu sólargeislarnir láta sjá sig gleymirðu gjörsamlega sárum löppum og þreytu.
3. Perhentian eyjar
Perhentian Eyjar eru þekktar fyrir nokkrar af fallegustu ströndum í ÖLLUM HEIMINUM! Tvær stærstu eyjarnar heita Kecil ("lítið") og Besar ("stórt"). Kecil er fullkominn kostur fyrir bakpokaferðalanga en á Besar eru fínni og dýrari hótel og það er frekar mikill brúðkaupsferða-áfangastaður. Á báðum eyjunum finnur þú hvítar sandstrendur, tærbláan sjá, kóralrif, skjaldbökur, litríka fiska, marglyttur og litla hákarla. Báðar eyjarnar eru þaktar skógi og þar eru engir vegir - bara göngustígar - við elskum þennan stað!
4. Kuala Lumpur
Ef þú ferðast til Malasíu er mjög líklegt að þú fljúgir til höfuðborgarinnar Kuala Lumpur. Ef þú hefur gaman af stórborgum áttu eftir að elska Kuala Lumpur!
5. Taman Negara þjóðgarðurinn
Regnskógurinn í Taman Negara National Park er einn sá elsti í heiminum, og sérfræðingar telja að regnskógurinn sé meira en 130 milljón ára gamall. Dýra- og plöntulífið hér er ótrúlegt, risastór trén eru mögnuð og einungis nokkrir sólargeislar ná að brjóta sér leið í gegnum gróðurinn. Að ganga um í Taman Negara er frábær upplifun og þar eru góðar gönguleiðir.
6. Cameron hálendið
Cameron hálendið er risastórt svæði sem einkennist af grænum hæðum, skógum, fossum, fjallstoppum og fallegum teekrum. Boh er frægasta teið frá þessu svæði og það er auðvelt að njóta ljúffengs tebolla í þessu fallega umhverfi.
7. Smakkaðu malasískan mat
Bara tilhugsunin um matinn í Malasíu lætur okkur langa að hoppa upp í næstu flugvél og drífa okkur af stað. Í fullri alvöru! Litlu, ódýru búllurnar sem líta frekar illa út eru vanalega bestar. Gott ráð er að fara þangað sem heimamennirnir borða sjálfir - ekki fara þangað sem enginn er, það er vanalega slæmt merki. Char kway teow mjög vinsælt ásamt laksa, chicken satay, og nasi goreng. Af drykkjum er Milo (súkkulaðidrykkur), sítrónute og 100PLUS vinsælast. Þú getur fengið máltíð á ca 8-15RM (u.þ.b. 300 kr) ef þú ferð á local staðina. Í Kota Kinabalu er frábær lítill staður nálægt Sunndags-markaðinum á Gaya Street þar sem kokkurinn býr til núðlur á hverjum degi, og um klukkan 10:30 eru þær vanalega búnar svo þú þarft að mæta snemma! Hafðu í huga að það verður horft á þig, en líklega er það bara vegna þess að þú ert eini kwai lo á staðnum.
8. Kafaðu í Sipadan
Ef þú veist eitthvað smá um köfun hefur þú eflaust heyrt um Sipadan. Sama hvort þú ert þegar með köfunarréttindi, langar að læra að kafa eða bara prófa þá er Sipadan staður sem þú verður pottþétt að heimsækja. Sipadan er u.þ.b. 1 klst frá meginlandinu (þú flýgur til Tawau á Borneo) og það er best að kafa þarna á milli apríl og desember.
