Road trip um Bandaríkin - okkar bestu ráð!

1. Að skipuleggja road trip

Það er margt sem þarf að skipuleggja áður en þú leggur af stað í road trip um USA. Hefurðu t.d. pælt í því hvað þú ætlar að keyra margar mílur á dag? Gullna reglan er ca 18 mílur á dag. Ef þú ætlar t.d. að fara í 17 daga road trip um Kaliforníu skalt þú ekki gera ráð fyrir að keyra meira en 17x18=360 mílur. Þá getur þú tekið pásu frá því að keyra nokkra daga en það mun ekki koma í bakið á þér seinna í ferðinni. Reglan virkar! Sjáðu nokkrar vinsælar road trip leiðir hér.

2. Supersize-Me

Tölfræði KILROY sýnir að flestir leigja lítinn bílaleigubíl en uppfæra þegar á staðinn er komið. Árið 2013 leigðu 10% ferðalanganna okkar ódýrasta bílinn en einungis 2% enduðu á að keyra slíkan bíl. Þegar þú skipuleggur ferðina er því skynsamlegt að huga að því að það er allt að fimm sinnum dýrara að uppfæra við komu heldur en það er að velja stærri bíl áður en þú bókar. Vertu því viss um að velja strax nógu stóran bíl sem hentar þínum þörfum.

3. Bensín

Bensín er ekki eins ódýrt í Bandaríkjunum og þú gætir haldið. Eitt gallon (3,75 lítrar) kostar ca 3,50 til 3,80 USD. Þegar þú setur upp kostnaðarplan er gott að gera ráð fyrir 1 USD á líter.

4. Bílastæði

Að leggja bílnum kostar vanalega á milli 20 og 50 USD á nóttu á hótelum í stærri borgunum eins og San Francisco, LA, New York og Washington.

5. Að ná í bílinn

Ef þú ert að byrja ferðina þína í stórborg gæti verið að þú þurfir ekki á bílaleigubíl að halda fyrstu dagana. Það getur verið erfitt að byrja road trip á að rúnta um í stórborg. Því gæti verið sniðugt að sækja bílinn á degi 2 eða 3. Í flestum stórborgum er auðvelt að komast á milli staða án þess að nota bíl og auk þess er dýrt að borga í bílastæði!

6. Blæjubíll

Blæjubíll er ameríski draumurinn....og já, þeir eru mjög kúl! En ekki heppilegasti kosturinn fyrir langt road trip. Ein ástæðan er lítið pláss fyrir farangur. Önnur ástæða er að það er alls ekki þægilegt að sitja í heitu leðursæti í 30°C hita. Svo er bensíneyðslan út í hött þegar keyrt er með þakið niðri! Og síðast en ekki síst, það nýtur enginn keyrslunnar þegar hárið fýkur endalaust framan í mann og lokkarnir festast á sveittu enninu. Þetta yrði aldrei jafn töff og í bíómyndunum, því miður!

7. Frá strönd til strandar

Ef þú vilt keyra "coast to coast" getur þú sparað mikinn pening með því að keyra frá vestri til austurs (Kalifornía - New York). Það er nefnilega miklu ódýrara að byrja í Kaliforníu! Ef maður setur saman sex vikna ferð frá 17 júlí til 28 ágúst (standard bíll) og tekur bílaleigubílinn í LA  og skilar honum í New York kostar það 2.306 USD. Sex vikna ferð frá 17 júlí til 28 ágúst þar sem bíllinn er tekinn í Manhattan, New York og skilað í LA kostar 3.554 USD! Það munar heilum 1.248 USD, sem er slatti af bensíni og mat!

8. Highway 1

Flesta sem leigja bíl í Kaliforníu dreymir um að keyra meðfram ströndinni á Highway 1. Ef þú keyrir frá LA til San Francisco keyrir þú meðfram fjöllunum en ekki meðfram ströndinni. Svo ef þú vilt tryggja að þú hafir flott útsýni og getir stoppað á fallegum útsýnisstöðum skaltu frekar keyra frá San Francisco til LA. 

9. Gisting

Það er skynsamlegt að vera með einhverja gistingu bókaða áður en þú leggur af stað, t.d. fyrstu tvær næturnar eftir að þú kemur og síðustu næturnar áður en þú ferð. Einnig er sniðugt að huga fyrirfram að gistingu á dýrum svæðum eins og t.d. Las Vegas. Annars finnur þú mikið af gistihúsum og mótelum á leiðinni, og ef þú vilt lifa mjög spart skaltu taka með þér tjald (eða kaupa ódýrt eftir að þú kemur út) og gista á tjaldsvæðum.

10. Yfir landamæri?

Hvað er löglegt? USA til Kanada og öfugt: Já, ekkert vesen. USA til Mexíkó: NEI!